ଯାଜପୁର: ଯାଜପୁର ରୋଡ ଥାନା ବ୍ୟାସନଗର କଲେଜ ନିକଟରେ ଚଢ଼ାଉବେଳେ ୧୦୦ ବୋତଲ ନକଲି ମଦ ଜବତ ହୋଇଛି । କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ପକ୍ଷରୁ ଏହି ଚଢ଼ାଉ କରାଯାଇଥିଲା । ଏହି ମାମଲାରେ କଟକ ଅବକାରୀ ଗୁଇନ୍ଦା ବିଭାଗ ପକ୍ଷରୁ ଜଣଙ୍କୁ ଗିରଫ ମଧ୍ୟ କରାଯାଇଛି । ଏହି ଅଞ୍ଚଳରେ ପ୍ରତ୍ୟେକ ଦିନ ଶହଶହ ବୋତଲ ନକଲି ମଦ ବିକ୍ରି ହେଉଥିବା ଅଭିଯୋଗ ହୋଇ ଆସୁଥିଲା ।
ବ୍ୟାସନଗର କଲେଜ ନିକଟରେ ଚଢ଼ାଉ, ଶହେ ବୋତଲ ନକଲି ମଦ ଜବତ
କୌଣସି ସୂତ୍ରରୁ ଏହାକୁ ନେଇ କଟକ କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗକୁ ସୂଚନା ମିଳିଥିଲା । ଏହାପରେ ଅଚନକ ଏକ ଟିମ୍ ବ୍ୟାସନଗରରେ ପହଞ୍ଚି ଏହି ବେଆଇନ କାରବାର ଉପରେ ଚଢ଼ାଉ କରିଥିଲା । ଚଢ଼ାଉ ବେଳେ ଜଣେ ବ୍ୟକ୍ତିଙ୍କୁ ଗିରଫ କରିବାରେ ସଫଳ ହୋଇଥିଲା ଅବକାରୀ ଗୁଇନ୍ଦା ବିଭାଗ । ଗିରଫ ଯୁବକ ଜଣକ ଢେଙ୍କାନାଳ ଜିଲ୍ଲାର କେଶବ ଚନ୍ଦ୍ର ଗୁରୁ ବୋଲି ଜଣାପଡିଛି । ଅଭିଯୁକ୍ତଙ୍କ ନିକଟରୁ ୧୦୦ ବୋତଲ ନକଲି ମଦ ଜବତ ହୋଇଛି ।