ଯାଜପୁର: କୋରୋନା କଟକଣା ଭିତରେ ବୁଧବାର ସନ୍ଧ୍ୟାରୁ ଆରମ୍ଭ ହୋଇଛି ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜାଙ୍କ ରଥଯାତ୍ରା । ମା’ ବିରଜାଙ୍କର ନବଦିବସ ରଥଯାତ୍ରା ପାଇଁ ଉତ୍ସବ ମୁଖର ସମଗ୍ର ଅଞ୍ଚଳ । ପାରମ୍ପରିକ ରୀତିନିତି ଅନୁଯାୟୀ ରଥ ପୂଜା ଆରମ୍ଭ ହେବା ପରେ ରଥ ପ୍ରତିଷ୍ଠା କରାଯାଇଥିଲା ଓ ମା'ଙ୍କ ଚଳନ୍ତି ପ୍ରତିମାଙ୍କୁ ରଥାରୁଢ଼ କରାଯାଇଥିଲା । ଦ୍ବିତୀୟ ଦିନ ଅର୍ଥାତ ଗୁରୁବାର ମା' ବିରଜାଙ୍କ ରଥ ସମ୍ପୂର୍ଣ୍ଣ ମନ୍ଦିର ପରିକ୍ରମା କରିଛି ।
ମନ୍ଦିର ପରିକ୍ରମା କରିଛି ମା ବିରଜାଙ୍କ ରଥ
ପରମ୍ପରା ମୁତାବକ ରଥ ପ୍ରତିଷ୍ଠା ହେବା ପରେ ଅଳ୍ପ କେଇ ହାତ ରଥ ଗଡିଥିଲା । ଗୁରୁବାର କୋରୋନା କଟକଣା ମଧ୍ୟରେ ଏହି ରଥ ଟଣା ହୋଇଥିଲା । ୮ଦିନ ଯାଏଁ ପ୍ରତ୍ୟେକ ସନ୍ଧ୍ୟାରେ ରଥ ମନ୍ଦିର ବେଢ଼ା ପରିକ୍ରମା କରିବ । ମାଜିଷ୍ଟ୍ରେଟଙ୍କ ଉପସ୍ଥିତିରେ କେବଳ ସେବାୟତ ଓ ପୋଲିସ ରଥ ଟାଣିଥିଲେ । ଘଣ୍ଟ ଘଣ୍ଟା ହୁଳହୁଳି ଧ୍ବନିରେ ପ୍ରକମ୍ପିତ ହୋଇଥିଲା ସମଗ୍ର ଅଞ୍ଚଳ ।