ଟ୍ରେନ ଧକ୍କାରେ ଗଲା ଅଚିହ୍ନା ବୃଦ୍ଧାଙ୍କ ଜୀବନ

ଯାଜପୁର ରୋଡ ରେଳଷ୍ଟେସନ ନିକଟସ୍ଥ ଅହମ୍ମଦ ନଗର ନିକଟରେ ଟ୍ରେନ ଧକ୍କାରେ ଅଜଣା ବୃଦ୍ଧାଙ୍କ ମୃତ୍ୟୁ । ଅଧିକ ପଢନ୍ତୁ....

ଯାଜପୁର: ଯାଜପୁର ରୋଡ ରେଳଷ୍ଟେସନ ନିକଟସ୍ଥ ଅହମ୍ମଦ ନଗର ନିକଟରେ ଟ୍ରେନ ଧକ୍କାରେ ଅଚିହ୍ନା ବୃଦ୍ଧାଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତଦେହକୁ ଉଦ୍ଧାର କରିଛି ଯାଜପୁର ରୋଡ ଜିଆରପି । ମୃତ ବୃଦ୍ଧା ଜଣଙ୍କର ପରିଚୟ ଏପର୍ଯ୍ୟନ୍ତ ମିଳିପାରିନାହିଁ ।

ସୂଚନା ମୁତାବକ ଆଜି ଅପରାହ୍ନରେ ଏକ ବୃଦ୍ଧା ଟ୍ରେନ ଲାଇନ ପାର ହେଉଥିବା ସମୟରେ ଏକ ଟ୍ରେନ ତାଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ବୃଦ୍ଧାଙ୍କର ମୃତ୍ୟୁ ହୋଇଥିଲା । ସ୍ଥାନୀୟ ଲୋକେ ଯାଜପୁର ରୋଡ ଜିଆରପି ଅଧିକାରୀଙ୍କୁ ଖବର ଦେଇଥିଲେ । ଖବର ପାଇ ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ଦାନଗଦି ଗୋଷ୍ଠୀ କେନ୍ଦ୍ରକୁ ପଠାଇଥିଲ। ତେବେ ରେଳବାଇ ପୋଲିସ ଦୁର୍ଘଟଣା ସମ୍ପର୍କରେ ତଦନ୍ତ ଜାରି ରଖିବା ସହିତ ବୃଦ୍ଧା ଜଣଙ୍କ କିଏ କୁଆଡ଼େ ଯାଉଥିଲେ ଅନୁସନ୍ଧାନ ଜାରି ରଖିଛନ୍ତି ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ