ଯାଜପୁର: କୋରୋନା ଯୋଗୁଁ ମେଳା ମହୋତ୍ସବ ବନ୍ଦ ଥିବାରୁ ବୁଣାକାରମାନେ ଉତ୍ପାଦିତ ସାମଗ୍ରୀକୁ ବିକ୍ରି କରିପାରୁନାହାଁନ୍ତି । ସରକାରୀ ପ୍ରତିଷ୍ଠାନ ମଧ୍ୟ ବସ୍ତ୍ର କିଣିବା ସମୟରେ ପାତର ଅନ୍ତର କରାଯାଉଥିବା ଅଭିଯୋଗ ହୋଇଛି । ତେବେ ସରକାରୀ ସହାୟତା ପାଇଁ ଓଡ଼ିଶା ଶିଳ୍ପୀ ମହାସଂଘ ପକ୍ଷରୁ ଜିଲ୍ଲାର ବ୍ୟାସନଗରଠାରେ ଅନୁଷ୍ଠିତ ସୋମବାର ସାମ୍ବାଦିକ ସମ୍ମିଳନୀରେ ଦାବି ହୋଇଛି ।
ବୁଣାକାରଙ୍କୁ ସରକାରୀ ସହାୟତା ପାଇଁ ଓଡ଼ିଶା ଶିଳ୍ପୀ ମହାସଂଘର ଦାବି
ରାଜ୍ୟରେ କୋରୋନା କଟକଣା ପାଇଁ ମେଳା ମହୋତ୍ସବ ଓ ପ୍ରଦର୍ଶନୀ ଆଦି ବନ୍ଦ ଥିବାରୁ ବୁଣାକାରମାନେ ସେମାନଙ୍କ ଉତ୍ପାଦିତ ସାମଗ୍ରୀ ବିକ୍ରି କରିପାରୁନାହାଁନ୍ତି । ବୁଣାକାରମାନଙ୍କ ପାଇଁ ଉଦ୍ଦିଷ୍ଟ ସରକାରୀ ପ୍ରତିଷ୍ଠାନ ବୟନିକା, ଉତ୍କଳିକା, ସେରିଫେଡ ଓ ସମ୍ବଲପୁରୀ ବସ୍ତ୍ରାଳୟ ଆଦି ବୁଣାକାରଙ୍କ ନିକଟରୁ ବସ୍ତ୍ର କିଣିବା ସମୟରେ ମନଇଚ୍ଛା ମୂଲ୍ୟ ନିର୍ଦ୍ଧାରଣ କରାଯାଉଛି। ଏଥିସହିତ ବୁଣାକାରଙ୍କୁ ସରକାର ଦେଇଥିବା ପ୍ରତିଶୃତି ରକ୍ଷା କରୁନଥିବା ବେଳେ ବୁଣାକାର ସମାଜ ବିଭିନ୍ନ ସରକାରୀ ସହାୟତା ପାଇବାରୁ ବଞ୍ଚିତ ହେଉଥିବା ଅଭିଯୋଗ ହୋଇଛି ।