ଯାଜପୁର: ଶହୀଦ ଯବାନଙ୍କ ଶେଷକୃତ୍ୟ ସମ୍ପନ୍ନ । ଲଦାଖ ସୀମାରେ ଶହୀଦ ହୋଇଥିବା ଯାଜପୁର ଜିଲ୍ଲା ଧର୍ମଶାଳା ବ୍ଲକ କ୍ଷେତ୍ରପାଳ ଗ୍ରାମର ଯବାନ ଶଶାଙ୍କ ଶେଖର ସାମଲଙ୍କ ପାର୍ଥୀବ ଶରୀର ନିଜ ଜନ୍ମମାଟିରେ ପହଞ୍ଚିବା ପରେ ରାଷ୍ଟ୍ରୀୟ ମର୍ଯ୍ୟାଦା ସହ ଶେଷକୃତ୍ୟ ସଂପନ୍ନ କରାଗଲା ।
ଲଦାଖରେ ଓଡ଼ିଆ ଯବାନ ଶହୀଦ, ଯାଜପୁରେ ଶୋକାକୁଳ ପରିବେଶ ତାଙ୍କ ପାର୍ଥୀବ ଶରୀର ଜନ୍ମମାଟିକୁ ଆସିବା ପରେ ଶୋକାକୂଳ ପରିବେଶ ସୃଷ୍ଟି ହୋଇଥିଲା। ରବିବାର ସନ୍ଧ୍ୟାରେ ଶଶାଙ୍କଙ୍କ ମରଶରୀର ଭୁବନେଶ୍ବରରୁ ଅଣାଯାଇ ଚଣ୍ଡିଖୋଲ ଛକରେ ପହଞ୍ଚିଲା ପରେ ଏକ ଶୋଭାଯାତ୍ରାରେ ଗାଁ ମାଟିକୁ ପାଛୋଟି ନିଆଯାଇଥିଲା ।
ହଜାର ହଜାର ଲୋକ ତାଙ୍କର ଶେଷ ଦର୍ଶନ କରିବା ସହ ଶୋଭାଯାତ୍ରାରେ ସାମିଲ ହୋଇଥିଲେ । କ୍ଷେତ୍ରପାଳ ଗ୍ରାମର ସ୍ବର୍ଗତ ଯଦୁନାଥ ସାମଲଙ୍କ ପୁଅ ଥିଲେ ଶଶାଙ୍କ । ସେ ଭାରତୀୟ ସ୍ଥଳସେନାରେ କାର୍ଯ୍ୟରତ ଥିଲେ ।
ଶହୀଦ ଶଶାଙ୍କର ଶେଷକୃତ୍ୟ ସମ୍ପନ୍ନ ଗୁରୁବାର ବିଳମ୍ବିତ ରାତିରେ ଡ୍ୟୁଟିରୁ ଫେରୁଥିବା ବେଳେ ଶତ୍ରୁପକ୍ଷଙ୍କ ଆକ୍ରମଣରେ ଅନ୍ୟ ଯବାନଙ୍କ ସହ ଶଶାଙ୍କ ଶହୀଦ ହୋଇଥିଲେ । ଗାଁ ଶ୍ମଶାନରେ ରାଷ୍ଟ୍ରୀୟ ମର୍ଯ୍ୟାଦା ସହ ତାଙ୍କର ଶେଷକୃତ୍ୟ ସଂପନ୍ନ ହୋଇଛି । ଜିଲ୍ଲା ପ୍ରଶାସନ ପକ୍ଷରୁ ଅତିରିକ୍ତ ଜିଲ୍ଲାପାଳ ଉପସ୍ଥିତ ରହିବା ସହ ବହୁ ରାଜନେତା ସାମିଲ ହୋଇ ଶହୀଦଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
