ଯାଜପୁର: ସ୍ବାଧୀନତାର ଦୀର୍ଘବର୍ଷ ପରେ ଗାଁକୁ ଯାଇପାରିନି ପକ୍କା ସଡକ । ଯାଜପୁର ଜିଲ୍ଲା ଦଶରଥପୁର ବ୍ଲକ କମାରଡିହ ପଞ୍ଚାୟତର ସହିମାଡ ଗାଁରୁ ଆସିଛି ଏମିତି ଅଭିଯୋଗ । ଗାଁର କଣ୍ଟାପାରି ଜେନାସାହିକୁ ଆଜି ପର୍ଯ୍ୟନ୍ତ ପକ୍କା ସଡକ ତ ଦୂରେ ଥାଉ ନାଲି ଗୋଡି ଟିକେ ବି ପଡିନି ।
ଏହି ସାହି ଦେଇଯାଇଥିବା ଏକ ପ୍ରଧାନମନ୍ତ୍ରୀ ସଡକ କାମ ଆରମ୍ଭ ହୋଇଥିଲେ ହେଁ ଆଜି ଯାଏଁ ସରିପାରିନି । ଏହି ସମସ୍ୟା ନେଇ ବାରମ୍ବାର ସରପଞ୍ଚଙ୍କ ଠାରୁ ଆରମ୍ଭ କରି ବିଡିଓଙ୍କ ନିକଟରେ ଅଭିଯୋଗ ପରେ ବି କୌଣସି ସୁଫଳ ନମିଳିବାରୁ ବାଧ୍ୟ ହୋଇ ଲୋକେ ଯାଜପୁର ଜିଲାପାଳଙ୍କ ଦ୍ବାରସ୍ଥ ହୋଇଛନ୍ତି । ଯଦି ଏହି ଗାଁକୁ ସବୁଦିନିଆ ରାସ୍ତା ଯୋଗାଇ ଦିଆନଯାଏ ତା ହେଲେ ଆନ୍ଦୋଳନ କରାଯିବ ବୋଲି ଚେତାବନି ଦେଇଛନ୍ତି ଗ୍ରାମବାସୀ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
