ଯାଜପୁର: ରାଜ୍ୟରେ ଜୋରସୋରରେ ଆରମ୍ଭ ହୋଇଛି ମୋଟରଯାନ ଆଇନର କଡାକଡି ପାଳନ । ଏନେଇ ବିଭିନ୍ନ ସ୍ଥାନରେ ଟାଇଟ ହୋଇଛି ଟ୍ରାଫିକ ନିୟମ ପାଳନ । ଫଳରେ ଗାଡି ଚାଳକଙ୍କ ଭିତରେ ପଶିଛି ଛନକା । ରାସ୍ତା ଘାଟରେ ଜୋରସୋର ହୋଇଛି ଚେକିଂ । କେଉଁଠି ପୋଲିସ ଯାଞ୍ଚ ଜାରି ରଖିଛି ତ କେଉଁଠି ପୁଣି ଆଞ୍ଚଳିକ ପରିବହନ କାର୍ଯ୍ୟାଳୟ ଦ୍ବାରା ଚାଲିଛି ଧରପଗଡ ।
ଦ୍ବିତୀୟ ଦିନରେ କଡାକଡି ଟ୍ରାଫିକ ନିୟମ, ଯାଜପୁରରେ ଚେକିଂ ଜୋରଦାର ଡ୍ରାଇଭିଂ ଲାଇସେନ୍ସ, ଇନସ୍ୟୁରାନ୍ସ, ହେଲମେଟ ସହ ପ୍ରଦୂଷଣମୁକ୍ତ କାଗଜପତ୍ର ସବୁ ଯାଞ୍ଚ କରୁଛନ୍ତି ସମ୍ପୃକ୍ତ ଅଧିକାରୀ ଓ କର୍ମଚାରୀ । ଏଥିସହ ମଦ୍ୟପଙ୍କ ଗାଡି ଚାଳନା ଉପରେ ମଧ୍ୟ ରଖା ଯାଇଛି କଡା ନଜର । ସେହିଭଳି 4 ଚକିଆଠାରୁ ଆରମ୍ଭ କରି ବସ୍ ଓ ଟ୍ରକର ମଧ୍ୟ ଯାଞ୍ଚ ଚାଲିଛି । ନିୟମକୁ କଡାକଡି ପାଳନ କରିବା ପାଇଁ ପୋଲିସ ପକ୍ଷରୁ ତପ୍ତରତା ପ୍ରକାଶ ପାଇଥିବା କହିଛନ୍ତି ଯାଜପୁର ଏସପି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
