ନବଜାତ ଶିଶୁପୁତ୍ରକୁ ଉଦ୍ଧାର କଲା CWC

ଜିଲ୍ଲା ଶିଶୁ ସୁରକ୍ଷା ୟୁନିଟ୍ ଦ୍ବାରା ଯାଜପୁର ବ୍ୟାସନଗର ପୌରାଞ୍ଚଳ ଅନ୍ତର୍ଗତ ଚୋରଦା ଜେନାସାହିରୁ ଜଣେ ମହିଳାଙ୍କ ନିକଟରୁ ଏକ ସାଢେ 4ମାସର ଶିଶୁପୁତ୍ରକୁ ଉଦ୍ଧାର କରାଯାଇଛି । ଅଧିକ ପଢନ୍ତୁ...

ଯାଜପୁର: ଚୋରଦା ଜେନାସାହିରୁ ଏକ ନବଜାତ ଶିଶୁପୁତ୍ରକୁ ଉଦ୍ଧାର କରାଯାଇଛି । ଜିଲ୍ଲା ଶିଶୁ ସୁରକ୍ଷା ୟୁନିଟ୍ ଦ୍ବାରା ଯାଜପୁର ବ୍ୟାସନଗର ପୌରାଞ୍ଚଳ ଅନ୍ତର୍ଗତ ଚୋରଦା ଜେନାସାହିରୁ ଜଣେ ମହିଳାଙ୍କ ନିକଟରୁ ଏକ ସାଢେ 4ମାସର ଶିଶୁପୁତ୍ରକୁ ଉଦ୍ଧାର କରାଯାଇଛି ।

ସୂଚନା ମୁତାବକ, ଶିଶୁ ସୁରକ୍ଷା ଅଧିକାରୀ ସ୍ଥାନୀୟ ଅଞ୍ଚଳର ଜଣେ ଆଶାକର୍ମୀଙ୍କ ଠାରୁ ଶିଶୁ ସମ୍ପର୍କରେ ଖବର ପାଇଥିଲେ । ଏହାପରେ ଉଦ୍ଧାର ଶିଶୁଟିକୁ ସୋମବାର ସିଡବ୍ଲ୍ୟୁସିକୁ ହସ୍ତାନ୍ତର କରାଯାଇଛି ।

ତେବେ ଶିଶୁକୁ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଥିବା ଶିଶୁଭବନକୁ ସ୍ଥାନାନ୍ତର କରାଯାଇଛି । ସେପଟେ ଶିଶୁଟିର ପ୍ରକୃତ ପରିଚୟ ମିଳିପାରିନଥିବା ବେଳେ ସମ୍ପୃକ୍ତ ମହିଳା ଜଣକ ଶିଶୁଟି ତାଙ୍କ ଝିଅର ଜନ୍ମିତ ପୁତ୍ର ବୋଲି କହିବା ସହ ସେ ଏହାର ଦାବିଦାରି ବୋଲି ଦାବି କରିଛନ୍ତି । ତଦନ୍ତ କ୍ରମେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସିଡବ୍ଲ୍ୟସି ଅଧ୍ୟକ୍ଷା ରୀତା ବେହେରା କହିଛନ୍ତି ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ