ଯାଜପୁର: ଯାଜପୁର ଜିଲ୍ଲାପରିଷଦ ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି ନଳୀନି ପ୍ରଭା ଜେନା । ଜିଲ୍ଲାର ୩୯ଟି ଜିଲ୍ଲାପରିଷଦ ଜୋନରେ ବିଜୁ ଜନତା ଦଳ ବିଜୟୀ ହୋଇଥିବାରୁ କେବଳ ନଳିନୀ ହିଁ ଏକମାତ୍ର ପ୍ରାର୍ଥୀ ହୋଇଥିଲେ । ନଳିନୀ କୋରେଇ ବ୍ଲକର ୩ ନଂ ଜିଲ୍ଲାପରିଷଦ ଜୋନର ସଦସ୍ୟ ଭାବେ ନିର୍ବାଚିତ ହୋଇଥିଲେ । ଆଜି(ରବିବାର) ତାଙ୍କ ନାଁ ପୂର୍ବତନ ମନ୍ତ୍ରୀ ତଥା ବଡଚଣା ବିଧାୟକ ଅମର ପ୍ରସାଦ ଶତପଥୀ ଘୋଷଣା କରିଥିଲେ ।
ନିର୍ଦ୍ୱନ୍ଦରେ ଜିଲ୍ଲା ପରିଷଦ ଅଧକ୍ଷା ନିର୍ବାଚିତ ହେଲେ ନଳିନିପ୍ରଭା ଜେନା
ନାମାଙ୍କନ ପତ୍ର ଦାଖଲ ପରେ ନିୟମ ମୁତାବକ ତାଙ୍କ ପ୍ରାର୍ଥୀପତ୍ର ଯାଞ୍ଚ କରାଯାଇଥିଲା । ଅପରାହ୍ନ ଗୋଟାଏରେ ନିର୍ବାଚନ ଅଧିକାରୀ ତଥା ଅତିରିକ୍ତ ଜିଲ୍ଲାପାଳ ଅକ୍ଷୟ କୁମାର ମଲ୍ଳିକ, ନଳିନୀ ପ୍ରଭା ଜେନାଙ୍କୁ ବିଜୟୀ ଭାବେ ଘୋଷଣା କରିଥିଲେ । ନଳିନୀ ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ଜିଲ୍ଲାର ସମସ୍ତ ବିଧାୟକ ଓ ସାଂସଦଙ୍କୁ ଧନ୍ୟବାଦ ଦେଇଥିଲେ ।