ଯାଜପୁର:ହତ୍ଯାକାଣ୍ଡ ଅଭିଯୁକ୍ତକୁ ଆଜୀବନ କାରାଦଣ୍ଡ। କୁଆଖିଆ ଥାନା ଅନ୍ତର୍ଗତ ଖଈରାବାଦ ଗାଁ ର ଅଶୋକ ଓଝା ହତ୍ୟାକାଣ୍ଡ ଘଟଣାର ଅଭିଯୁକ୍ତକୁ ଆଜୀବନ କାରାଦଣ୍ଡାଦେଶ । ଏହି ମାମଲାର ରାୟ ଶୁଣାଇଛନ୍ତି ଅତିରିକ୍ତ ଜିଲ୍ଲା ଦୌରାଜଜ ଯାଜପୁର ।
କାଠଫାଳିଆରେ ପିଟି ପିଟି ହତ୍ୟା,ଅଭିଯୁକ୍ତକୁ ଆଜବୀନ କାରାଦଣ୍ଡ
ସୂଚନା ମୁତାବକ ଯାଜପୁର ଜିଲ୍ଲା କୁଆଖିଆ ଥାନା ଅନ୍ତର୍ଗତ ଖଈରାବାଦ ଗାଁ ର 2016 ମସିହା ଜାନୁଆରୀ 17 ତାରିଖ ଦିନ ପୂର୍ବ ଶତ୍ରୁତାକୁ କେନ୍ଦ୍ର କରି ଏକ ଜଘନ୍ୟ ହତ୍ୟାକାଣ୍ଡ ଘଟିଥିଲା । ଦିନ ଦ୍ଵି ପ୍ରହରରେ ଅଶୋକ ଓଝାଙ୍କୁ କାଠ ଫାଳିଆରେ ପିଟି ପିଟି ହତ୍ୟା କରିଥିଲା ଅଭିଯୁକ୍ତ ସଞ୍ଜୟ ପାଣି । ଏ ନେଇ କୁଆଖିଆ ପୋଲିସ ଅଭିଯୋଗ ଗ୍ରହଣ କରି ମାମଲା ତଦନ୍ତ କରିଥିଲା। ଏହାପରେ ଅଭିଯୁକ୍ତ ସଞ୍ଜୟଙ୍କୁ ଗିରଫ କରି କୋର୍ଟ ଚାଲାଣ କରିଥିଲା।