ଟ୍ରେନ ଧକ୍କାରେ ମାଆ ଓ ଝିଅଙ୍କ ମୃତ୍ୟୁ

ଶନିବାର ଯାଜପୁର କେଉଁଝର ରୋଡ ରେଳ ଷ୍ଟେସନ ନିକଟସ୍ଥ ଅହମଦ ନଗର ନିକଟରେ ହାଉଡା ପୁରୀ ପାସେଞ୍ଜର ଟ୍ରେନ ଧକ୍କାରେ ମା ଓ ଝିଅ ମୃତ୍ୟୁ ଘଟିଛି ।

ଯାଜପୁର: ଟ୍ରେନ ଧକ୍କାରେ ମାଆ ଓ ଝିଅଙ୍କ ମୃତ୍ୟୁ । ଶନିବାର ଯାଜପୁର କେଉଁଝର ରୋଡ ରେଳ ଷ୍ଟେସନ ନିକଟସ୍ଥ ଅହମଦ ନଗର ନିକଟରେ ହାଉଡା ପୁରୀ ପାସେଞ୍ଜର ଟ୍ରେନ ଧକ୍କାରେ ମା ଓ ଝିଅ ମୃତ୍ୟୁ ଘଟିଛି । ମୃତକମାନେ ବ୍ୟାସନଗର ପୌରାଞ୍ଚଳ ସ୍ଥିତ ଚାନ୍ଦମା ଗ୍ରାମର କାଠି ରଣା ଓ ତାଙ୍କ ଝିଅ ଗୁରୁବାରୀ ରଣା ବୋଲି ଜଣାପଡିଛି ।

ତେବହେ ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ଘଟଣା ସ୍ଥଳରେ ଜି.ଆର.ପି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ରେଳବାଇ ପୋଲିସ ମୃତଦେହ ଦୁଇଟିକୁ ଉଦ୍ଧାର କରି ଘଟଣାର ତଦନ୍ତ ଜାରି ରଖିଛନ୍ତି।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ