ଯାଜପୁର: ଧର୍ମଶାଳା ବ୍ଲକ ହରିଚନ୍ଦନପୁର ଗାଁ ନାବାଳିକା ନିର୍ଯ୍ୟାତନା ଘଟଣାରେ ଧର୍ମଶାଳା ପୋଲିସ ଜଣେ କନେଷ୍ଟବଳଙ୍କ ସମେତ ଆଉ ତିନିଜଣକୁ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ ଧର୍ମଶାଳା ଥାନାର କନେଷ୍ଟବଳ ସନ୍ତୋଷ ବାରିକ, ସୁକିନ୍ଦାର ପୁଷ୍ପାଜ୍ଞଳି ବେହୁରା, ନେଉଳପୁର ଗାଁର ମୋହନ ମହାନ୍ତି ଓ ଅନ୍ୟତମ ସହଯୋଗୀ ଅବଦୁଲ ରହମନ । ଏମାନଙ୍କୁ ଗିରଫ କରି ଆଜି ଯାଜପୁର କୋର୍ଟରେ ହାଜର କରାଇଛି ପୋଲିସ ।
ଧର୍ମଶାଳା ନାବାଳିକା ନିର୍ଯାତନା ଘଟଣା; ପୁଣି ତିନି ଜଣଙ୍କୁ ବାନ୍ଧିଲା ପୋଲିସ
ପୂର୍ବରୁ ଏହି ଘଟଣାରେ ମୁଖ୍ୟ ଅଭିଯୁକ୍ତ କୁହାଯାଉଥିବା ସତ୍ୟନାରାୟଣ ସାମଲ ଓ ତାର ଦୁଇ ଭଉଣୀ ବନିତା, କବିତା, ଅନ୍ୟଜଣେ ଭାଇକୁ ପୁଲିସ ଗିରଫ କରି କୋର୍ଟ ଚାଲାଣ କରିବା ସହ ଏକ ସ୍କର୍ପିଓ ଗାଡିକୁ ଜବତ କରିଛି । ଏହି ଘଟଣାରେ କଂଗ୍ରେସ ନେତା ପ୍ରଦୀପ ମାଝି, ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର ପ୍ରମୁଖ ପୀଡ଼ିତାର ଘରକୁ ଗସ୍ତକରି ଘଟଣା ସମ୍ପର୍କରେ ବୁଝିବା ପରେ ଏହାକୁ ନେଇ ରାଜନୀତି ଜୋର ଧରିଛି ।