ଯାଜପୁର: ଧର୍ମଶାଳା ଅଞ୍ଚଳରୁ ନାବାଳିକା ଅପହରଣ ଓ ନିର୍ଯ୍ୟାତନା ଘଟଣାକୁ ୮ ଦିନ ବିତିଥିଲେ ମଧ୍ୟ ପୋଲିସ ଏ ଯାଏଁ ଚୁପ ହୋଇ ବସି ରହିଛି । ଅପହରଣ କରିଥିବା ଦୁର୍ବୃତ ମାନେ ନାବାଳିକାକୁ ଫିଙ୍ଗି ଦେବା ପରେ ସଖି କେନ୍ଦ୍ରରେ ଛାଡି ଦେଇଛି ପୋଲିସ । ଏହି ଅପହରଣ ଘଟଣାରେ ଏକାଧିକ ବ୍ୟକ୍ତିଙ୍କ ସଂପୃକ୍ତି ଥିବା ନାବାଳିକା ଜଣକ ସଖୀ କେନ୍ଦ୍ରର ଅଧିକାରୀଙ୍କ ନିକଟରେ ବୟାନ ଦେଇଥିବା ବେଳେ ଅପହରଣ କରିବା ପରେ ତାଙ୍କୁ କୌଣସି ପୋଲିସ କ୍ବାର୍ଟର ଅଞ୍ଚଳରେ ରଖିଥିବା ସନ୍ଦେହ କରିଛନ୍ତି ନାବାଳିକା ।
ଧର୍ମଶାଳା ନାବାଳିକା ଅପହରଣ; ପୋଲିସ ଉପରକୁ ଆଙ୍ଗୁଳି ଉଠାଇଲା କଂଗ୍ରେସ
ଘଟଣା ଅତ୍ୟନ୍ତ ସମ୍ବେଦନଶୀଳ ହୋଇଥିଲେ ହେଁ ପୋଲିସ ଏହାକୁ ନେଇ ଢ଼ିଲା ମନୋଭାବ ଦେଖାଉଥିବା ଅଭିଯୋଗ କରିଛି କଂଗ୍ରେସ । ଧର୍ମଶାଳାର କଂଗ୍ରେସ ନେତ୍ରୀ ସ୍ମୃତିରେଖା ନାବାଳିକାଙ୍କୁ ସଖୀ କେନ୍ଦ୍ରରେ ଭେଟି ସମବେଦନା ଜଣାଇବା ସହିତ ଏହି ଘଟଣାର ଉଚ୍ଚସ୍ତରୀୟ ତଦନ୍ତ କରି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ।