ଖରସ୍ରୋତା ନଦୀକୁ ଡେଇଁ ନାବାଳିକା ନିଖୋଜ, ଉଦ୍ଧାର କାର୍ଯ୍ୟ ଜାରି

ଯାଜପୁର ରୋଡ ଥାନା ଅନ୍ତର୍ଗତ ଯୋକଡିଆ ଖରସ୍ରୋତା ନଦୀକୁ ଡେଇଁଲେ ନାବାଳିକା । ଅଗ୍ନିଶମ ବିଭାଗ ଦ୍ଵାରା ଉଦ୍ଧାର କାର୍ଯ୍ୟ ଜାରି । ଅଧିକ ପଢନ୍ତୁ

ଯାଜପୁର:ନଦୀକୁ ଡେଇଁ ନାବାଳିକା ନିଖୋଜ । ଆଜି(ବୁଧବାର) ଯାଜପୁର ରୋଡ ଥାନା ଅନ୍ତର୍ଗତ ଯୋକଡିଆ ଖରସ୍ରୋତା ନଦୀକୁ ଜଣେ ନାବାଳିକା ଡେଇଁ ପଡିଛନ୍ତି । ଅଗ୍ନିଶମ ବିଭାଗ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ତେବେ ଏହି ନାବାଳିକା ଜଣକ ସ୍ଥାନୀୟ ବାଉଁଶଅଣ୍ଟା ଅଞ୍ଚଳର କାଠିଆ ଦେହୁରୀଙ୍କ ଝିଅ ପୂଜାରାଣୀ ଦେହୁରୀ(୧୫) ବୋଲି ସୂଚନା ମିଳିଛି।

ସୂଚନାଯୋଗ୍ୟ, ଆଜି ସକାଳୁ ଝିଅଟି ସାଇକେଲ ଯୋଗେ ଯୋକଡିଆ ବ୍ରିଜ ନିକଟରେ ପହଞ୍ଚି ନିକଟସ୍ଥ ଜଳଖିଆ ଦୋକାନରୁ ପାଣି ପିଇଥିଲେ । ପରେ ବ୍ରିଜ ଉପରକୁ ଯାଇ ସାଇକେଲ ରଖି ନଦୀକୁ ଡେଇଁ ପଡିଥିଲେ । ସ୍ଥାନୀୟ ଲୋକେ ଏହାକୁ ଦେଖି ତୁରନ୍ତ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ଖୋଜାଖୋଜି ଜାରି ରଖିଛି ।

ଇଟିଭି ଭାରତ, ଯାଜପୁର