ନାଳରେ ବୁଡି ନାବାଳକ ମୃତ

ଦଶରଥପୁର ବ୍ଲକ କାଜିବାଗ ଗାଁରେ ଅଘଟଣ । ଘର ପଛପଟେ ଖେଳୁଥିବା ସମୟରେ ନାଳରେ ପଡିଜିବାରୁ ଜଣେ ନାବାଳକର ମୃତ୍ୟୁ ହୋଇଛି । ଅଧିକ ପଢନ୍ତୁ...

ଯାଜପୁରର: ନାଳରେ ବୁଡି ନାବାଳକ ମୃତ। ଏଭଳି ଦୁଃଖଦ ଘଟଣା ଘଟିଛି ଜିଲ୍ଲାର ଦଶରଥପୁର ବ୍ଲକ ଅନ୍ତର୍ଗତ ଇଜାପୁର ସ୍ଥିତ କାଜିବାଗ ଗାଁରେ। ମୃତ ନାବାଳକ ହେଲେ ବିଞ୍ଝାରପୁର ଘଣ୍ଟିଆଳିର ପ୍ରଶାନ୍ତ ପ୍ରଧାନଙ୍କ ପୁଅ ପୁଷ୍ପକ ପ୍ରଧାନ ।

ସୂଚନାମୁତାବକ, ପୁଷ୍ପକ ତାଙ୍କ ମାମୁଁ ଘରକୁ ଆସିଥିଲେ। ମାମୁଁ ଘର ପଛପଟେ ଉକ୍ତ ଗାଁର କିଛି ପିଲାଙ୍କ ସହ ଖେଳୁଥିବା ସମୟରେ ସେ ନାଳରେ ପଡିଯାଇଥିଲେ । ଖବରପାଇ ଗ୍ରାମବାସୀଙ୍କ ସହାୟତାରେ ଖୋଜାଖୋଜି କରି ନାଳରୁ ପୁଷ୍ପକକୁ ଉଦ୍ଧାର କରାଯାଇଥିଲା ।

ଏହାପରେ ତାଙ୍କୁ ସଙ୍ଗେସଙ୍ଗେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ହେଲେ, ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଯାହାକୁ ନେଇ ଉକ୍ତ ଅଞ୍ଚଳରେ ଶୋକର ଛାୟା ଖେଳିଯାଇଛି ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ