୪୦୭ ମିନିଟ୍ରକ୍ ଧକ୍କାରେ ଦମ୍ପତି ମୃତ

୪୦୭ ମିନିଟ୍ରକ ଆଉ ଏକ ଗାଡିକୁ ଓଭରଟେକ କରୁଥିବାବେଳେ ଭାରସାମ୍ଯ ହରାଇ ଦମ୍ପତିଙ୍କ ଉପରେ ମାଡିଯିବା ଫଳରେ ଦମ୍ପତିଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ଘଟଣାର ତଦନ୍ତ ଜାରି ରଖିଛି । ଅଧିକ ପଢନ୍ତୁ

ଯାଜପୁର:୪୦୭ ମିନିଟ୍ରକ୍ ଧକ୍କାରେ ଦମ୍ପତିଙ୍କ ମୃତ୍ୟୁ । ଆଜି ଯାଜପୁର ଜିଲ୍ଲା ପାଣିକୋଇଲି ଥାନା ଷଠିପୁର-ସଦର ମହକୁମା ମୁଖ୍ଯରାସ୍ତାର ମାଧପୁର ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା। ୪୦୭ ମିନିଟ୍ରକ୍ ଦମ୍ପତିଙ୍କୁ ଧକ୍କା ଦେବା ଫଳରେ ଉଭୟଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି । ଦୁର୍ଘଟଣା ଘଟାଇଥିବା ଗାଡିଟି ରାସ୍ତା ତଳକୁ ପଲଟିଲା।

ସୂଚନାନୁସାରେ ମୃତ ଦମ୍ପତି ହେଲେ ପ୍ରଫୁଲ୍ଲ ଦାସ ଓ କୁନି ଦାସ। ମୃତକ ଦୁଇଜଣ ପାଣିକୋଇଲି ଥାନା ଓଚିନ୍ଦା ଅଞ୍ଚଳ ବାସିନ୍ଦା। ଦମ୍ପତି ଦୁହେଁ ପାଦରେ ଚାଲିଚାଲି ରାଜପଥ ଅତିକ୍ରମ କରୁଥିବାବେଳେ ଏହି ଦୁର୍ଘଟଣା ଘଟିଥିଲା। ୪୦୭ ଗାଡିଟି ଆଉ ଏକ ଗାଡିକୁ ଓଭରଟେକ କରୁଥିବାବେଳେ ଭାରସାମ୍ଯ ହରାଇ ଦମ୍ପତିଙ୍କ ଉପରେ ମାଡିଯାଇଥିଲା । ଫଳରେ ଉଭୟଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା । ଖବର ପାଇ ପାଣିକୋଇଲି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଦୁଇଟି ଉଦ୍ଧାର କରିବା ସହ ଘଟଣାର ତଦନ୍ତ ଜାରି ରଖିଛି ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ