ଯାଜପୁର: ଯାଜପୁର ରୋଡରୁ ଭାୟା ବିରଜା କ୍ଷେତ୍ର ଧାମରାକୁ ରେଳପଥ ସଂଯୋଗୀକରଣ ପାଇଁ ଦାବି ଜୋର ଧରିଛି । ଏହି ଉଦ୍ଦେଶ୍ୟରେ ଯାଜପୁର ରୋଡ-ଧାମରା ରେଳପଥ ସଂଗ୍ରାମ ସମିତି ପକ୍ଷରୁ ଯାଜପୁର ବ୍ୟାସନଗର ଠାରେ ଏକ ଗଣ ସମ୍ମିଳନୀର ଆୟୋଜନ କରାଯାଇଥିଲା । ଯେଉଁଥିରେ ସ୍ଥାନୀୟ ଅଞ୍ଚଳର ନିର୍ବାଚିତ ଜନପ୍ରତିନିଧି, ଶ୍ରମିକ ନେତା ଓ ଗଣ ସଂଗଠକ ମାନେ ସାମିଲ ହୋଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ଗୋଟିଏ ପଟେ ଏସିଆ ମହାଦେଶର ଶିଳ୍ପ ରାଜଧାନୀ କଳିଙ୍ଗନଗର ଓ ଅନ୍ୟପଟେ ଭାରତର ଏକ ଗଭୀରତମ ବନ୍ଦର ଭାବେ ପରିଗଣିତ ଧାମରା ବନ୍ଦର । ତା ଛଡା ଯାଜପୁର ସଦର ମହକୁମାରେ ଅବସ୍ଥିତ ଭାରତର ପ୍ରସିଦ୍ଧ ଶକ୍ତିକ୍ଷେତ୍ର ତଥା ପୌରାଣିକ ପୀଠ ମା' ବିରଜାଙ୍କ ମନ୍ଦିର । ଭୌଗୋଳିକ ଅବସ୍ଥିତି ଦ୍ରୁଷ୍ଟିକୋଣରୁ ଏହି ପ୍ରମୁଖ ଅଞ୍ଚଳକୁ ଗମନାଗମନ ଓ ପରିବହନର ସୁବିଧା ପାଇଁ ରେଳପଥ ସଂଯୋଗୀକରଣ କରିବାକୁ ଦୀର୍ଘ ଦିନରୁ ଦାବି ହୋଇଆସୁଛି ।