ଯାଜପୁର:ନାନା ସମସ୍ୟାରେ ଛନ୍ଦି ହୋଇପଡ଼ିଛି ଯାଜପୁର ଜିଲ୍ଲା ଡାକ୍ତରଖାନା । ଏ ହସ୍ପିଟାଲରେ ଦୀର୍ଘଦିନ ହେବ ଖାଲିପଡ଼ିଛି ଡାକ୍ତରଙ୍କ ପଦବୀ । ଫଳରେ ରୋଗୀ ଚିକିତ୍ସାରେ ନାନା ଅସୁବିଧା ଉପୁଜିଛି । ସବୁଠି ବଡ଼ କଥା ହେଲା ଏଠାକୁ ଆସୁଥିବା ଗର୍ଭବତୀଙ୍କୁ ମଧ୍ୟ ଚିକିତ୍ସାର ସୁବିଧା ମିଳୁନି ।
ଜିଲ୍ଲା ଡାକ୍ତରଖାନାରେ ଥିବା ବିଭିନ୍ନ ସମସ୍ୟାର ସମାଧାନ ଦାବି
ଏନେଇ ବାରମ୍ବାର ଅଭିଯୋଗ ହେଉଥିଲେ ମଧ୍ୟ କୌଣସି ପଦକ୍ଷେପ ନିଆଯାଉ ନାହିଁ । ତେଣୁ ଯାଜପୁର ଜିଲ୍ଲା ମୁଖ୍ୟ ଡାକ୍ତରଖାନାରେ ଲାଗି ରହିଥିବା ବିଭିନ୍ନ ସମସ୍ୟାର ସ୍ଥାୟୀ ସମାଧାନ ଦାବିରେ ଯୁବ କଂଗ୍ରେସ ପକ୍ଷରୁ ଏକ ଦାବିପତ୍ର ଜିଲ୍ଲା ଯୁବ କଂଗ୍ରେସ ସଭାପତି ସନ୍ତୋଷ ବେହେରାଙ୍କ ନେତୃତ୍ୱରେ ଦିଆଯାଇଛି ।