ଯାଜପୁର: କୋରେଇ ଥାନା ଅନ୍ତର୍ଗତ ମୁକୁନ୍ଦପୁର ପଞ୍ଚାୟତ ଓସଲା ଓଷଳା ଗାଁରେ ପୋଖରୀରେ ବୁଡି ଜଣଙ୍କର ମୃତ୍ୟୁ ଘଟିଛି । ବିଦ୍ୟୁତ ବଲ୍ବ ଚୋରି କରି ଦୌଡୁଥିବାବେଳେ ପୋଖରୀରେ ଖସି ପଡିବାରୁ ତାଙ୍କର ମୃତ୍ୟୁ ଘଟିଥିବା ସୂଚନା ମିଳିଛି ।
ସୂଚନା ମୁତାବକ ସାମାନ୍ୟ ଇଲେକ୍ଟ୍ରି ବଲ ଚୋରିରୁ ଉକ୍ତ ବ୍ୟକ୍ତିଙ୍କର ମୃତ ଘଟିଛି । ସେହି ଗାଁର ଗୋପାଳକୃଷ୍ଣ ଜେନା ଓଷଳା ଗାଁର ଶ୍ରୀଧର ଖଣ୍ଡାଇ ଘର ବାହାରେ ଜଳୁଥିବା ଏକ ବିଦ୍ୟୁତ ବଲ୍ବକୁ ଲୁଚାଇ ନେଉଥିଲେ । ଏହାକୁ ଶ୍ରୀଧର ଦେଖି ଗୋପାଳ ପଛେପଛେ ଆସି ତାଙ୍କୁ ଅଟକାଇ ପକେଟରେ ଥିବା ବଲ୍ବଟିକୁ ନେଇ ଯାଇଥିଲା । ଏହାକୁ ନେଉ ଉଭୟଙ୍କ ମଧ୍ୟରେ ପାଟିତୁଣ୍ଡ ଓ ମାରପିଟ ହୋଇଥିଲା । ଦୌଡାଦୌଡ଼ି ହେଉଥିବା ବେଳେ ଉଭୟ ଗାଁ ପୋଖରୀରେ ଖସି ପଡ଼ିଥିଲେ । ଶ୍ରୀଧର ପୋଖରୀରୁ ଉଠି ପଳାଇଥିବାବେଳେ ଗୋପାଳ ପୋଖରୀ ଆର ପାଖକୁ ପହଁରି ପହଁରି ଯିବାକୁ ଚେଷ୍ଟା କରିଥିଲେ । ମାତ୍ର କୂଳରେ ପହଞ୍ଚି ନପାରି ବୁଡି ଯାଇ ତାଙ୍କର ମୃତ୍ୟୁ ଘଟିଛି ।
ବିଦ୍ୟୁତ ବଲ୍ବ ଚୋରି ପଡିଲା ମହଙ୍ଗା, ପୋଖରୀରେ ବୁଡି ଜଣେ ମୃତ