ଯାଜପୁର: କି ଦିନ କି ରାତି । ସବୁ ଏକାକାର । ସୁରୁଜ ଉଉଁଛି, ଅନ୍ଧକାର ବି ହେଉଛି । ହେଲେ ମୁହଁକୁ ଛୁଇଁ ପାରୁନି ସୂର୍ଯ୍ୟର କିରଣ । ନା ଦେଖିପାରୁଛନ୍ତି ଚନ୍ଦ୍ରମାର ରୂପ । ଏମିତି କଟିଗଲାଣି ଦୀର୍ଘ 30ବର୍ଷ । ପାଦରେ ବେଡି, ହାତରେ ଶିକୁଳି ବନ୍ଧା ହୋଇ ଏଭଳି ଅଭିଶପ୍ତ ଜୀବନ ବିତାଉଛନ୍ତି ଯାଜପୁର ଦଶରଥପୁର ବ୍ଲକ ଉଦୟପୁର ଗାଁର ରମାକାନ୍ତ ବେହାରା । କିଶୋର ବୟସରେ ମାନସିକ ବିକୃତ ଲକ୍ଷଣ ଦେଖାଯିବା ପରେ ଏଭଳି ଚରମ ନିଷ୍ପତ୍ତି ନେବାରୁ ବାଧ୍ୟ ହୋଇଥିଲେ ବାପା ମା’।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ସେପଟେ ପୁଅର ଚିକିତ୍ସା ପାଇଁ ସବୁ ସାରି ବି ନିରାଶ ପରିବାର । ଆଉ ଅଧିକ ଚିକିତ୍ସା ପାଇଁ ନା ସମ୍ବଳ ଅଛି ନା ବାପାମାଆଙ୍କ ବଳ ବୟସ । ଏପରି ସ୍ଥିତିରେ ଆଜି ଯାଏଁ ପ୍ରଶାସନ କିମ୍ବା ସରକାରୀ ସ୍ତରରେ କୌଣସି ସୁବିଧା ମିଳିପାରିନାହିଁ । ଏପରିକି ସ୍ବାସ୍ଥ୍ୟ ବିଭାଗ ପକ୍ଷରୁ ଭିନ୍ନକ୍ଷମ ପ୍ରମାଣ ପତ୍ରଟି ଯୋଗାଇନି । ଯାହାକୁ ଖୋଦ ଜିଲ୍ଲାପାଳ ମଧ୍ୟ ସ୍ବୀକାର କରିଛନ୍ତି ।