ଯାଜପୁର: କୋଭିଡ କଟକଣା ଭିତରେ ବ୍ୟାସନଗର ପୌରପରିଷଦରେ ମା' ଶ୍ୟାମା କାଳୀଙ୍କ ବିସର୍ଜନ ଉତ୍ସବ ଆରମ୍ଭ ହୋଇଛି । ଶୃଙ୍ଖଳା ଦୃଷ୍ଟିରୁ ବ୍ୟାପକ ପୋଲିସ ଫୋର୍ସ ମୁତୟନ ହୋଇଥିବା ଥାନା ଅଧିକାରୀ ଉପେନ୍ଦ୍ର କୁମାର ପ୍ରଧାନ ସୂଚନା ଦେଇଛନ୍ତି । ଏହାସହିତ କୋଭିଡ଼ କଟକଣା ମଧ୍ୟରେ ବିସର୍ଜନ ଉତ୍ସବ ସହରରେ ଚାଲିଥିବା ଦେଖିବାକୁ ମିଳିଛି ।
ମା' ଶ୍ୟାମା କାଳୀଙ୍କ ବିସର୍ଜନ ଉତ୍ସବ ଆରମ୍ଭ, ବ୍ୟାପକ ପୋଲିସ ମୁତୟନ
ଗତ ୪ ତାରିଖରୁ ବ୍ୟାସନଗର ପୌରପରିଷଦରେ ମା' ଶ୍ୟାମା କାଳୀଙ୍କ ପୂଜାର୍ଚ୍ଚନା ଚାଲିଥିଲା । ଆଜି ସହରରେ ଚାଲିଛି ବିସର୍ଜନ ଉତ୍ସବ । ମାତ୍ର ପ୍ରତ୍ୟେକ ବର୍ଷ ପରି ଏବର୍ଷ କୌଣସି ମଣ୍ଡପରେ ବାଜା, ବାଣ ଓ ସାଂସ୍କୃତିକ କାର୍ଯ୍ୟକ୍ରମ ଦେଖିବାକୁ ମିଳିନାହିଁ । ଵିଶେଷ ବ୍ୟାସନଗର ସହରର କୋପଣ୍ଡ, ନଟପଡା, ଚୋରଦା, ଦଳା, ନହକା, ଝାଟିଆସାହି, ବସଷ୍ଟାଣ୍ଡ ଓ ଧବଳଗିରି ପୂଜା ମଣ୍ଡପରେ ଚାଲିଛି ମା' ଶ୍ୟାମା କାଳୀଙ୍କର ବିସର୍ଜନ ଉତ୍ସବ।