ଯାଜପୁର:ଆଜି(ଗୁରୁବାର) ହେଉଛି ତ୍ରିବେଣୀ ଅମାବାସ୍ୟା ମା' ବିରଜାଙ୍କ ଜନ୍ମ ଦିବସ । ମାଘ ମାସର ଏହି ଅମାବାସ୍ୟା ତିଥିରେ ଯାଜପୁରର ଅଧିଷ୍ଠାତ୍ରୀ ଦେବୀ ମା' ବିରଜାଙ୍କ ପବିତ୍ର ସ୍ବର୍ଣ୍ଣକ୍ଷେତ୍ର ଦିବସକୁ ପାଳନ କରାଯାଇଥାଏ ।
ଆଜି ବିରଜା ପୀଠରେ ମା'ଙ୍କ ପବିତ୍ର ଜନ୍ମ ଦିବସ ପାଳିତ
ମା' ବିରଜାଙ୍କ ଜନ୍ମ ଦିନରେ ରୀତିନୀତି ଅନୁସାରେ କାର୍ଯ୍ୟସୂଚୀ ଚୂଡାନ୍ତ ହୋଇଛି । ଏହି ଅବସରରେ ଗୁରୁବାର ବ୍ରହ୍ମ ମୂହୂର୍ତ୍ତରୁ ନିତ୍ୟସ୍ନାନ, ସ୍ନାନ ପରେ ବେଶ ଲାଗି ଓ ନୈବେଦ୍ୟ ସମର୍ପଣ କରାଯାଇଛି । ସକାଳ ମହାସ୍ନାନ, ପରେ ମା'ଙ୍କ ଚନ୍ଦନଲାଗି, ସାବିତ୍ରୀ ବେଶ, ଅଳଙ୍କାର ଲାଗି ବେଶ, ସିଂହାସନରେ ଷୋଡଶ ଉପଚାର ଓ ସ୍ଵର୍ଣ୍ଣକ୍ଷେତ୍ର ପୂଜା କରାଯିବ । ଏହାସହିତ ଯଜ୍ଞବେଦୀରେ ଯଜ୍ଞ ଅନୁଷ୍ଠିତ ହେବ ବୋଲି ଜଣାପଡିଛି ।