ଯାଜପୁର: ଜିଲ୍ଲାର ବିଞ୍ଝାରପୁର ଥାନା ଜରି ଗ୍ରାମରେ ଜମିବାଡିକୁ ନେଇ ଗଣ୍ଡଗୋଳ ହୋଇଛି । ଏଥିଲାଗି ପରିବାର ବର୍ଗ ନ୍ୟାୟ ପାଇଁ SPଙ୍କ ଦ୍ବାରସ୍ଥ ହୋଇଛନ୍ତି । ତେବେ ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଏସପି ରାହୁଲ ପିଆର କହିଛନ୍ତି ।
ଜମିବାଡି ଗଣ୍ଡଗୋଳ ଘଟଣା: ନ୍ୟାୟ ପାଇଁ SPଙ୍କ ଦ୍ବାରସ୍ଥ ହେଲେ ପରିବାର
ଗାଁରେ ବନିତା ଓ ଗୋବିନ୍ଦ ମଳିକ ଏକତ୍ର ପଡ଼ୋଶୀ ଭାବରେ ରୁହନ୍ତି । ଦୀର୍ଘଦିନ ବନିତାଙ୍କ ପରିବାର ଲୋକେ ନିଜ ଘରୁ ବାହାରକୁ ଯିବାକୁ ରାସ୍ତା ନଥିବାରୁ ଗୋବିନ୍ଦଙ୍କ ପରିବାର ସହିତ ଆପୋଷ ବୁଝାସୁଝା କରି ତାଙ୍କ ରାସ୍ତାରେ ଯିବା ଆସିବା କରୁଥିଲେ। ମାତ୍ର କିଛି ଦିନ ହେବ ଗୋବିନ୍ଦଙ୍କ ପରିବାର ପକ୍ଷରୁ ସେ ରାସ୍ତାରେ ନଯିବାକୁ ବନିତାଙ୍କ ପରିବାରକୁ ମନା କରିଥିଲେ। ବନିତାଙ୍କର ଯିବା ଆସିବାକୁ ବାଟ ନଥିବାରୁ ବାରଣ ପରେ ମଧ୍ୟ ସେହି ବାଟ ଦେଇ ସେମାନେ ଯାତାୟାତ କରୁଥିଲେ । ଯାହାକୁ ବାରମ୍ବାର ଗୋବିନ୍ଦଙ୍କ ପରିବାର ଲୋକେ ବିରୋଧ କରିବା ସତ୍ତ୍ବେ ବନିତାଙ୍କ ପରିବାର ଲୋକେ ମାନି ନଥିଲେ।