ଯାଜପୁର: ଶ୍ରମିକଙ୍କ ଦୁର୍ଘଟଣା ଜନିତ ମୃତ୍ୟୁକୁ ନେଇ କାରଖାନାରେ ଉତ୍ତେଜନା । ଯାଜପୁର ଜିଲ୍ଲା କଳିଙ୍ଗନଗର ଶିଳ୍ପାଞ୍ଚଳ ଅନ୍ତର୍ଗତ କେଜେ ଇସ୍ପାତ କାରଖାନାରେ ଦେଖିବାକୁ ମିଳିଛି ଏଭଳି ଘଟଣା ।
ସୂଚନା ମୁତାବକ, ଗତ 28 ତାରିଖ ଦିନ କାରଖାନାର ବ୍ଲାଷ୍ଟ ଫର୍ଣ୍ଣେସ ସାଇଡ ରେ ତତଲା ପାଉଁଶରେ ପୋଡିହୋଇ ବାଳୁଙ୍ଗାବନ୍ଦୀ ଗାଁର ନାରାୟଣ ପାତ୍ର ନାମକ ଜଣେ ଶ୍ରମିକ ଗୁରୁତର ହୋଇ ପଡିଥିଲେ । ଦୁର୍ଘଟଣାରେ ତାଙ୍କ ଶରୀରର ଅର୍ଦ୍ଧାଧିକ ଭାଗ ପୋଡିଯାଇଥିଲା । ତେବେ ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା ।