ଯାଜପୁର: କୋଭିଡ କଟକଣା ଭିତରେ ବ୍ୟାସନଗର ସନ୍ତରା ସ୍ଥିତ ଇସ୍କନ ମନ୍ଦିରରେ ଜନ୍ମାଷ୍ଟମୀ ପାଳିତ ହୋଇଯାଇଛି । ଆଜି ହେଉଛି ପବିତ୍ର ଜନ୍ମାଷ୍ଟମୀ । ପ୍ରଭୁ ଶ୍ରୀକୃଷ୍ଣଙ୍କ ଜନ୍ମଦିନକୁ ସାରା ବିଶ୍ୱରେ ହିନ୍ଦୁ ଭକ୍ତ ମାନେ ଜନ୍ମାଷ୍ଟମୀ ଭାବରେ ପାଳିତ କରିଥାନ୍ତି। ମାତ୍ର ଏଥର ମଧ୍ୟ ଏହି ଉତ୍ସବ ଉପରେ କରୋନା କଟକଣା ଲାଗିଥିବା ଦେଖିବାକୁ ମିଳିଛି।
ସନ୍ତରା ସ୍ଥିତ ଇସ୍କନ ମନ୍ଦିରରେ ଜନ୍ମାଷ୍ଟମୀ ପାଳିତ
ଅଧିକାଂଶ ରାଧାକୃଷ୍ଣ ମନ୍ଦିରରେ ଭକ୍ତଙ୍କ ଭିଡ଼ ଦେଖିବାକୁ ମିଳିନାହିଁ । ମନରେ ଦୁଃଖ ଥିଲେ ବି ଅଧିକାଂଶ ଭକ୍ତ ମନ୍ଦିରକୁ ନଆସି ଘରେ ରହି ପ୍ରଭୁ ଶ୍ରୀକୃଷ୍ଣଙ୍କ ପୂଜାର୍ଚ୍ଚନା କରୁଥିବା ଦେଖିବାକୁ ମିଳିଛି । ବିଶେଷ ଭାବରେ ସନ୍ତରା ସ୍ଥିତ ଇସ୍କନ ମନ୍ଦିରରେ ହଜାର ହଜାର ଭକ୍ତଙ୍କ ଭିଡ ଆଜିର ଦିନରେ ଜମିଥାଏ । ମାତ୍ର, ଏଥର କୋଭିଡ କଟକଣା ପାଇଁ ସେଭଳି ଭିଡ଼ ଦେଖିବାକୁ ମିଳିନାହିଁ ।