ଯାଜପୁର: ଆରମ୍ଭ ହୋଇଛି ପ୍ରସିଦ୍ଧ ଓଳାଶୁଣୀ ଗୁମ୍ଫା ମେଳା । ମହାପୁରୁଷ ତଥା ବ୍ରହ୍ମଲୀନ ସନ୍ଥ ଅରକ୍ଷିତ ଦାସଙ୍କ 182ତମ ମହାପ୍ରୟାଣ ଦିବସ ଉପଲକ୍ଷେ ଯାଜପୁରର ବଡଚଣା ବ୍ଲକ ପଲାଇ ଠାରେ ଓଳାଶୁଣୀ ପାହାଡ ଗୁମ୍ଫାରେ ଆରମ୍ଭ ହୋଇଛି ମେଳା ଓ ମହୋତ୍ସବ ।
ହରିବୋଲ, ହୁଳହୁଳି ମଧ୍ୟରେ ଆରମ୍ଭ ହୋଇଛି ପ୍ରସିଦ୍ଧ ଓଳାଶୁଣୀ ଗୁମ୍ଫାମେଳା । ମନୋରମ ପ୍ରାକୃତିକ ପରିବେଶ ମଧ୍ୟରେ ରାଜ୍ୟର ବିଭିନ୍ନ ଅଞ୍ଚଳରୁ ହଜାର ହଜାର ଶ୍ରଦ୍ଧାଳୁ ଆସି ସନ୍ଥଙ୍କ ସମାଧିପୀଠ ଦର୍ଶନ କରୁଛନ୍ତି । ଗତ 6 ବର୍ଷ ଧରି ଏହା ମହୋତ୍ସବରେ ପରିଣତ ହୋଇଥିବାବେଳେ ଏଥିରେ ବିଶିଷ୍ଟ ବ୍ୟକ୍ତିଙ୍କୁ ସମ୍ବର୍ଦ୍ଧିତ କରିବାର ପରମ୍ପରା ରହିଛି । ଏହି ପୀଠର ଅନ୍ୟ ଏକ ବିଶେଷତ୍ବ ହେଲା ଏଠାରେ ଶୁଖୁଆ, ପୋଡପିଠା ସହିତ ପ୍ରସିଦ୍ଧ କାଞ୍ଜିପାଣି ଭୋଗ ଲାଗି କରାଯାଇଥାଏ ।
ଭିଡିଓ ସୌଜନ୍ୟ: ସମ୍ବାଦଦାତା,ଯାଜପୁର