ଯାଜପୁର: ଜିଲ୍ଲାର ଧର୍ମଶାଳା ବ୍ଲକ ହରିଦାସପୁର ପଞ୍ଚାୟତ ପିଇଓ ସ୍ମିତାରାଣୀ ବିଶ୍ବାଳ ମୃତ୍ୟୁ ଘଟଣା। ଜିଲ୍ଲା ପ୍ରଶାସନ ପକ୍ଷରୁ ବ୍ଲକ କାର୍ଯ୍ୟାଳୟ ପରିସରରେ ଥିବା ପିଇଓ କାର୍ଯ୍ୟାଳୟରେ ଖାନତଲାସି ଜାରି। ମାଜିଷ୍ଟ୍ରେଟଙ୍କ ଉପସ୍ଥିତରେ ଲକର୍ ତାଲା ଖୋଲାଯାଇ ପ୍ରଶାସନ ଦ୍ବାରା କାଗଜପତ୍ର ଯାଞ୍ଚ କରାଯାଉଛି।
ବର୍ତ୍ତମାନ ସ୍ଥାନୀୟ ଧର୍ମଶାଳା ତହସିଲଦାରଙ୍କୁ ମାଜିଷ୍ଟ୍ରେଟ ଭାବେ ନିୟୋଜିତ କରାଯାଇଛି। ତେବେ ଯାଞ୍ଚ ପ୍ରକ୍ରିୟା ଜାରି ରହିଥିବାରୁ ପ୍ରଶାସନ ପକ୍ଷରୁ ଏ ସମ୍ପର୍କରେ କୌଣସି ସୂଚନା ଦିଆଯାଇନାହିଁ । ସୂଚନା ଅନୁଯାୟୀ, ଗତ ଅକ୍ଟୋବର 16ତାରିଖରେ ପିଇଓ ସ୍ମିତାରାଣୀ ବିଶ୍ବାଳଙ୍କ ଝୁଲନ୍ତା ମୃତଦେହ ସରପଞ୍ଚଙ୍କ ସ୍ବାମୀ ରୂପେଶ୍ ଭଦ୍ରଙ୍କ ଗେଷ୍ଟହାଉସରୁ ଉଦ୍ଧାର ହୋଇଥିଲା। ଏହି ଘଟଣାରେ ଅଭିଯୁକ୍ତ ରୂପେଶ୍ ଭଦ୍ରଙ୍କୁ ଗିରଫ କରାଯାଇ କୋର୍ଟ ଚାଲାଣ ମଧ୍ୟ କରାଯାଇଥିଲା।
ସ୍ମିତାରାଣୀ ମୃତ୍ୟୁ ଘଟଣା, ପିଇଓ କାର୍ଯ୍ୟାଳୟରେ ଖାନତଲାସି ଜାରି