ଫଲକନାମା ଏକ୍ସପ୍ରେସ ପାହାଚରେ ବସି 3 ଆହତ

ରେଳ ସିଢିରେ ବସି ଯାତ୍ରା କରିବାକୁ ବାରମ୍ବାର ବାରଣ କରି ଆସୁଛି ରେଳବାଇ । ହେଲେ ଏଥିପ୍ରତି ଯାତ୍ରୀମାନେ ଯେପରି ଧ୍ୟାନ ଦେଉନଥିବା ମନେ ହେଇଛି । ଆଜି ଫଲକନାମା ଏକ୍ସପ୍ରେସରେ 3 ରେଳଯାତ୍ରୀ ଆହତ ହୋଇଛନ୍ତି । ରେଳ ସିଢିରେ ବସି ଯାତ୍ରା କରୁଥିବା ସମୟରେ ଏହି ଦୁର୍ଘଟଣା ଘଟିଛି ।

ଯାଜପୁର: ଯାଜପୁର ରୋଡ୍ ରେଳଷ୍ଟେସନରେ ଚଳନ୍ତା ଟ୍ରେନରେ ଅଘଟଣ । ଟ୍ରେନ୍ ପାହାଚରେ ବସିଥିବା 3 ରେଳଯାତ୍ରୀ ଆହତ । ସେମାନଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ଯାଜପୁର ରୋଡ ଡାକ୍ତରଖାନାରେ ଭର୍ତ୍ତି କରାଯାଇଛି ।

ଆହତ ଯାତ୍ରୀ 3ଜଣ ବାଲେଶ୍ବରରୁ ଭୁବନେଶ୍ବର ଯାତ୍ରା କରୁଥିଲେ । ତେବେ ଫଲକନାମା ଏକ୍ସପ୍ରେସ ଟ୍ରେନରେ ଘଟିଛି ଏହି ଦୁର୍ଘଟଣା । ସେହି ତିନି ଜଣ ଯାତ୍ରୀ ଏବେ ସୁରକ୍ଷିତ ଥିବା ରେଳବାଇ ସୂଚନା ଦେଇଛନ୍ତି ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ