ଯାଜପୁର: ଜିଲ୍ଲା ମୂଳାପାଳଠାରେ ଘଟିଥିବା ବହୁ ଚର୍ଚ୍ଚିତ ଝରାଫୁଲ ହତ୍ୟା ଘଟଣାରେ ଅନ୍ୟ ଜଣେ ଅଭିଯୁକ୍ତକୁ ଗତକାଲି ଗିରଫ କରାଯାଇଛି । ସେ ହେଟେଲ ବୁକ କରିବା ସହିତ ଝରାଫୁଲ ଓ ରାକେଶ ସହିତ କିଛି ସମୟ ସେହି ରୁମରେ ରହିଥିଲା । ଏନେଇ ଅଧିକ ତଦନ୍ତ ଜାରି ରହିଛି ବୋଲି କହିଛନ୍ତି ଯାଜପୁର ଏସପି ରାହୁଲ ପିଆର ।
ଖୁବ ଶୀଘ୍ର ଧରାପଡିବ ଅନ୍ୟ ଅଭିଯୁକ୍ତ
ଝରାଫୁଲ ହତ୍ୟାକାଣ୍ଡ ପରେ ଅମରେଶ ରାଉତ ଫେରାର ଥିଲା ବୋଲି କହିଛନ୍ତି ଯାଜପୁର ଏସପି । ମୁଖ୍ୟ ଅଭିଯୁକ୍ତ ରାକେଷ ସ୍ବାଇଁର ସାଙ୍ଗ ହେଉଛି ଅମରେଶ । ଅମରେଶର ଘର ଭୁବନେଶ୍ୱର ସୁନ୍ଦରପଦା ଅଞ୍ଚଳରେ ବୋଲି ଜଣାପଡିଛି । ବର୍ତ୍ତମାନ ଘଟଣାରେ ପ୍ରମାଣ ସଂଗ୍ରହ, ଫରେନ୍ସିକ ଲ୍ୟାବରେ ତଥ୍ୟ ସଂଗ୍ରହ ଚାଲିଛି । ଆଉ ଜଣେ ଅଭିଯୁକ୍ତ ଏବେ ବି ଫେରାର ଅଛି ତାକୁ ଖୁବ ଶୀଘ୍ର ଗିରଫ କରିବାକୁ ଉଦ୍ୟମ ଚାଲିଛି ବୋଲି କହିଛନ୍ତି ଯାଜପୁର ଏସପି ।