ଯାଜପୁର: ଆଜି ଆଲୋକର ପର୍ବ ଦିପାବଳୀ । ଏଥିପାଇଁ ଗାଁଠାରୁ ଆରମ୍ଭ କରି ସହର ପର୍ଯ୍ୟନ୍ତ ସବୁଆଡେ ଉତ୍ସବ ମୁଖରିତ । ଏହି ଅବସରରେ ଯାଜପୁର ଜିଲାପ୍ରଶାସନ ପକ୍ଷରୁ ଏକ ନିଆରା ଢ଼ଙ୍ଗରେ ପାଳନ କରାଯାଇଛି ଦୀପାବଳି । ଯାଜପୁର ଆରକ୍ଷୀ ଅଧୀକ୍ଷକ ଚରଣ ସିଂହ ମୀନା ବ୍ୟାସନଗର ସ୍ଥିତ ଅନ୍ନପୂର୍ଣ୍ଣା ଶିଶୁଯତ୍ନ ଗୃହ ପରିସରରେ କୁନି କୁନି ଅନାଥଙ୍କ ସହିତ ଦୀପାବଳି ପାଳନ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ଦୀପାବଳି ଅବସରରେ ପ୍ରତ୍ୟେକ ଅନ୍ତେବାସୀଙ୍କୁ ନିଜ ହାତରେ ମିଠା ଖୁଆଇଛନ୍ତି ଏସପି । ଏହାପରେ ପ୍ରତ୍ୟେକଙ୍କୁ ବିଭିନ୍ନ ପ୍ରକାରର ବାଣ ଉପହାର ଦେବା ସହିତ ସେମାନଙ୍କ ସହିତ ବାଣ ଫୁଟାଇଥିବା ଦେଖିବାକୁ ମିଳିଛି । କିଭଳି ଏହି କୁନିକୁନି ଅନାଥ ପିଲାମାନଙ୍କ ମନରେ ହସ ଫୁଟିବ ଏ ନେଇ ସମସ୍ତେ ପ୍ରୟାସ କରିବାପାଇଁ ଏହି ଆଲୋକର ପର୍ବ ଦୀପାବଳିରେ ଆହ୍ୱାନ ଦେଇଛନ୍ତି ଚରଣ ସିଂହ ।