ଯାଜପୁର: ଯାଜପୁର ପୌରପାଳିକାରେ କାର୍ଯ୍ୟରତ ସ୍ବାସ୍ଥ୍ୟ କର୍ମୀ ଲୋକେଶ ପଣ୍ଡାଙ୍କ କୋରୋନାରେ ମୃତ୍ୟୁ ହୋଇଛି ।
କୋରୋନାରେ ଯାଜପୁରୁ ପୌରପାଳିକା ସ୍ବାସ୍ଥ୍ୟ କର୍ମୀଙ୍କ ମୃତ୍ୟୁ
ଲୋକଙ୍କ ସେବା କରୁ କରୁ କୋରୋନାରେ ଆକ୍ରାନ୍ତ ହୋଇଥିଲେ ଲୋକେଶ ପଣ୍ଡା । ଗତ ଦଶ ଦିନ ହେବ ସେ କୋଭିଡ ଡାକ୍ତରଖାନାରେ ଚିକିତ୍ସିତ ହେଉଥିଲେ । ତେବେ ଶନିବାର ତାଙ୍କର ମୃତ୍ୟୁ ହୋଇଛି । କୋରୋନା ଯୋଦ୍ଧା ଭାବେ ଲୋକେଶଙ୍କୁ ଜିଲ୍ଲା ପ୍ରଶାସନ ପକ୍ଷରୁ ଗାର୍ଡ ଅଫ ଅନର ଦିଆଯାଇଥିଲା । ଏହା ପରେ ଲୋକେଶଙ୍କ କୋଭିଡ ମଶାଣିରେ ଶେଷକୃତ୍ୟ ସମ୍ପନ୍ନ ହୋଇଥିଲା ।