ଯାଜପୁର: ପବିତ୍ର ମହାଶିବରାତ୍ରୀ । ଯାଜପୁର ଜିଲ୍ଲାର ବିଭିନ୍ନ ଶୈବପୀଠରେ ଭକ୍ତଙ୍କ ପ୍ରବଳ ସମାଗମ । ଲୋକମାନଙ୍କ ମଧ୍ୟରେ ଭଗବାନଙ୍କ ଦର୍ଶନ କରିବା ପାଇଁ ପ୍ରବଳ ଉତ୍ସାହ ଦେଖିବାକୁ ମିଳୁଛି ।
ଯାଜପୁର ଜିଲ୍ଲାର ବିଭିନ୍ନ ଶୈବପୀଠରେ ଶିବରାତ୍ରୀ ଭକ୍ତଙ୍କ ପ୍ରବଳ ସମାଗମ
ଯାଜପୁର ସହରର ଲଳିତେଶ୍ବର, ବେଲେଶ୍ବର, ତ୍ରିଲୋଚନେଶ୍ବର, ବରୁଣେଶ୍ବର ଆଦି ମନ୍ଦିରରେ ଶୁକ୍ରବାର ବଡିଭୋରୁ ବାବାଙ୍କ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଲମ୍ବା ଧାଡି ଲାଗିଛି । ଶ୍ରଦ୍ଧାଳୁମାନେ ବାବାଙ୍କ ନିକଟରେ ନିଜର ମନସ୍କାମନା ପୂର୍ଣ୍ଣ ପାଇଁ ଭିଡ ଜମାଇଛନ୍ତି । ଉଭୟ ମହିଳା ଓ ପୁରୁଷ ଶ୍ରଦ୍ଧାଳୁଙ୍କ ପାଇଁ ସ୍ବତନ୍ତ୍ର ବ୍ୟାରିକେଡ ବ୍ୟବସ୍ଥା କରାଯାଇଛି । ସେପଟେ ଶ୍ରଦ୍ଧାଳୁଙ୍କ ଭିଡକୁ ଲକ୍ଷ୍ୟ ରଖି ଶୃଙ୍ଖଳିତ ଦର୍ଶନ ନିମନ୍ତେ ସମସ୍ତ ପ୍ରକାର ବ୍ୟବସ୍ଥା ଗ୍ରହଣ କରାଯାଇଛି ।