ଯାଜପୁର: ନଭେମ୍ବର 3ରୁ ଆଇ.ଏନ.ଟି.ୟୁ.ସି ପକ୍ଷରୁ ରାଜ୍ୟବ୍ୟାପୀ ଆନ୍ଦୋଳନ ଗୁରୁବାର ଶେଷ ହୋଇଛି । ତେବେ ଜିଲ୍ଲାର ବିଭିନ୍ନ ସମସ୍ୟାକୁ ନେଇ 22 ଦଫା ଦାବି କରି ଜିଲ୍ଲାପାଳ ଓ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲା ଆଇ.ଏନ.ଟି.ୟୁ.ସି ।
ଆଜି ଶେଷ ହେଲା ଆଇଏନଟିୟୁସିର 22 ଦଫା ଦାବି ଆନ୍ଦୋଳନ
ମିଳିଥିବା ସୂଚନା ମୁତାବକ, ରାଜ୍ୟର ସମସ୍ତ ଜିଲ୍ଲାରେ ବିଦ୍ୟୁତ ଶୁଳ୍କ ବୃଦ୍ଧି, ଘରୋଇକରଣ ବନ୍ଦ କରିବା, କଳିଙ୍ଗନଗରରେ ବନ୍ଦ ରହିଥିବା ସମସ୍ତ କଳକାରଖାନାକୁ ତୁରନ୍ତ କାର୍ଯ୍ୟକ୍ଷମ କରିବା ଆଦି 22ଦଫା ଦାବି ଆଇ.ଏନ.ଟି.ୟୁ.ସି ପକ୍ଷରୁ ରଖାଯାଇଥିଲା । ଏହି ଆନ୍ଦୋଳନରେ ଗୁରୁବାର ରାଷ୍ଟ୍ରୀୟ ମଜଦୁର କଂଗ୍ରେସର ଶତାଧିକ ସଦସ୍ୟ ଓ କର୍ମକର୍ତ୍ତା ଦାନଗଦି ବ୍ଲକ୍ ମାନପୁର ଓଭରବ୍ରିଜ୍ ରାସ୍ତାରେ ବିକ୍ଷୋଭ ପ୍ରଦର୍ଶନ କରିଥିଲେ ।