ଯାଜପୁର: ଆଗକୁ ପଞ୍ଚାୟତ ଲଢେଇ । ଏନେଇ ରାଜ୍ୟର ତିନି ପ୍ରମୁଖ ଦଳ ଜୋରସୋର୍ରେ ପ୍ରସ୍ତୁତି ଚଳାଇଥିବାବେଳେ ନିର୍ବାଚନ ପୂର୍ବରୁ ବିଜେଡିରେ ଦେଖାଗଲାଣି ଅନ୍ତଃକନ୍ଦଳ । ଆଶାୟୀ ସରପଞ୍ଚ ପ୍ରାର୍ଥୀଙ୍କୁ ସମର୍ଥନ ନ ମିଳିବାକୁ ନେଇ ତୀବ୍ର ଗୋଷ୍ଠୀ କନ୍ଦଳ ଦେଖିବାକୁ ମିଳିଛି ଯାଜପୁରରେ । ଜିଲ୍ଲା କୋରେଇ ବ୍ଳକ ଅନ୍ତର୍ଗତ ଅନ୍ଧାରୀ ପଞ୍ଚାୟତରେ ସରପଞ୍ଚ ପ୍ରାର୍ଥୀ ପାଇଁ ବିଜେଡିରୁ ଆଶାୟୀ ଥିବା ବର୍ତ୍ତମାନର ସରପଞ୍ଚ ପଙ୍କଜିନି ମହାକୁଡଙ୍କ ସ୍ବାମୀ ତଥା ଜିଲ୍ଲା ବିଜେଡି କର୍ମକର୍ତ୍ତା ବସନ୍ତ ମହାକୁଡଙ୍କ ସମର୍ଥକମାନଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଛି । ମହାକୁଡଙ୍କୁ ପ୍ରାର୍ଥୀ ହେବା ପାଇଁ ଦଳୀୟ ସହମତି ମିଳିନାହିଁ ବୋଲି ଚର୍ଚ୍ଚା ହେଉଛି।
ନିର୍ବାଚନ ପୂର୍ବରୁ ବିଜେଡିରେ ସୃଷ୍ଟି ହେଲା ଫାଟ