ଯାଜପୁର: ବାତ୍ୟା ନଆସୁଣୁ ଭୁଷୁଡିଲା ଇନ୍ଦିରା ଆବାସ ଛାତ । ଏଥିରେ 4 ଜଣ ନାବାଳକ ଆହତ ହୋଇଥିବା ଜଣା ପଡିଛି । ଘଟଣାଟି ହେଉଛି ସୁକିନ୍ଦା ବ୍ଲକ ସୁକିନ୍ଦାଗଡ ହରିଜନ ସାହିର । ଆହତମାନଙ୍କୁ ତୁରନ୍ତ ନିକଟସ୍ଥ ସୁକିନ୍ଦା ମେଡିକାଲରେ ଭର୍ତ୍ତି କରାଯିବା ପରେ 2 ଜଣଙ୍କର ଅବସ୍ଥା ଗୁରୁତର ହୋଇପଡିଥିଲା । ଗୁରୁତରଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ସୂଚନା ଅନୁଯାୟୀ ଇନ୍ଦିରା ଆବାସ ଘରେ ଖେଳୁଥିବା ସମୟରେ ହଠାତ୍ ଘରର ଛାତ ଭୁଷୁଡି ପଡିଥିଲା । ଏଥିଯୋଗୁଁ ଘରେ ଖେଳୁଥିବା 4 ଜଣ ନାବାଳକ ଆହତ ହୋଇଥିଲା । ଯେଉଁଥିରୁ 2 ଜଣଙ୍କର ଅବସ୍ଥା ଗୁରୁତର ହେବାରୁ ସେମାନଙ୍କୁ ତୁରନ୍ତ କଟକ ବଡ ମେଡିକାଲ ସ୍ଥାନାନ୍ତର କରାଯାଇଥିଲା ।