ଯାଜପୁର: ବାତ୍ୟା ପରେ ବ୍ୟାସନଗର ପୌରପରିଷଦ ସମେତ ଜିଲ୍ଲାର ବିଭିନ୍ନ ସ୍ଥାନରେ ପ୍ରଭାବ ଦେଖିବାକୁ ମିଳିଥିଲା । ବିଳମ୍ବିତ ରାତିରେ ପ୍ରବଳ ବର୍ଷା ହେବା ସହିତ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ପାଣିପାଗ ବିଭାଗର ସୂଚନା ଅନୁଯାୟୀ ଆସନ୍ତା ୧୫ ତାରିଖରେ ଓଡ଼ିଶାରେ ବାତ୍ୟାର ସମ୍ଭାବନା ଦେଖାଦେଇଛି ।
ବ୍ୟାସନଗରରେ ପ୍ରବଳ ବର୍ଷା: ଜନଜୀବନ ଅସ୍ତବ୍ୟସ୍ତ ଏହାର ପ୍ରଭାବ ସାରା ଓଡିଶାରେ ଦେଖିବାକୁ ମିଳିଲାଣି । ଗତକାଲି ଭୋର ୪ଟା ରେ ବ୍ୟାସନଗର ପୌର ପରିଷରେ ପ୍ରବଳ ବର୍ଷା ହୋଇଥିଲା । ଅତ୍ୟଧିକ ବର୍ଷା ଫଳରେ ବିଲ ବାଡି ଏବଂ ବଜାର ଘାଟରେ ଆଣ୍ଠୁଏ ଆଣ୍ଠୁଏ ପାଣି ଭର୍ତ୍ତି ହୋଇଯାଇଥିବା ଦେଖିବାକୁ ମିଳିଛି । ସହରବାସୀ ଅଫିସ ଯିବାକୁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
