ଯାଜପୁର: ଅଳ୍ପକେ ବର୍ତ୍ତିଲେ ବର ସମେତ ଅନ୍ୟ ସମସ୍ତ ଯାତ୍ରୀ । ଏକ ନିଶ୍ଚିତ ବିପଦ ମୁଖର ବର୍ତ୍ତି ଯାଇଛନ୍ତି ବର । ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ଅଧୀନ ମାଣ୍ଡୁକା ଛକ ନିକଟରେ ବର ଗାଡି ସହ ଏକ ଟ୍ରକର ମୁହାଁମୁହିଁ ଧକ୍କା ହୋଇଛି । ଫଳରେ ବର ସମେତ ଅନ୍ୟ ସମସ୍ତେ ଗାଡି ମଧ୍ୟରେ ଚାପି ହୋଇଯାଇଥିଲେ । ସ୍ଥାନୀୟ ଲୋକଙ୍କ ସହାୟତାରେ ସମସ୍ତଙ୍କୁ ସୁରକ୍ଷିତ ଉଦ୍ଧାର କରାଯାଇଛି ।
ବର ଗାଡି ଦୁର୍ଘଟଣାଗ୍ରସ୍ତ, ଅଳ୍ପକେ ବର୍ତ୍ତିଲେ ବର ତେବେ ବର ଗାଡ଼ିଟି ବାଲିକୁଦାରୁ ଚୌଦ୍ୱାର ଅଭିମୁଖେ ଯାଉ ଥିବାବେଳେ ମାଣ୍ଡୁକା ଛକ ନିକଟରେ ଟ୍ରକ ସହ ମୁଁହାମୁହିଁ ଧକ୍କା ହୋଇଥିଲା । ଟ୍ରକ ଡ୍ରାଇଭରଙ୍କ ଅସାବଧାନତା ପାଇଁ ଏଭଳି ଦୁର୍ଘଟଣା ଘଟିଥିବା ଜଣାପଡିଛି । ଦୁର୍ଘଟଣାରେ ବର ଗାଡି ବ୍ୟାପକ କ୍ଷତିଗ୍ରସ୍ତ ହୋଇ ଥିବାବେଳେ ବର ଓ ଅନ୍ୟ ଯାତ୍ରୀମାନଙ୍କୁ ସୁରକ୍ଷିତ ଉଦ୍ଧାର କରାଯାଇ ଅନ୍ୟଏକ ଗାଡ଼ିରେ ପଠାଇ ଦିଆଯାଇଛି । ଘଟଣାସ୍ଥଳରେ ବାଲିଚନ୍ଦ୍ରପୁର ପୋଲିସ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
