ଯାଜପୁର: ଜିଲ୍ଲାର ବ୍ୟାସନଗର ସହରରେ ବିଭିନ୍ନ ଉନ୍ନୟନମୂଳକ କାର୍ଯ୍ୟ ପାଇଁ ଅଣ୍ଟା ଭିଡିଛନ୍ତି ସରକାର । ଏନେଇ ସହରରେ ଚାଲିଥିବା ବିଭିନ୍ନ ଉନ୍ନୟନମୂଳକ କାର୍ଯ୍ୟର ତଦାରଖ କରିବା ସହ ସମୀକ୍ଷା କରିଛନ୍ତି କୋରାଇ ବିଧାୟକ ଓ ଜିଲ୍ଲାପାଳ ।
ବ୍ୟାସନଗର ଉନ୍ନୟନମୂଳକ କାର୍ଯ୍ୟ ପାଇଁ ତତ୍ପର ସରକାର
ସହରରେ ଥିବା ପର୍ଯ୍ୟଟନ ସ୍ଥଳୀ ବ୍ୟାସ ସରୋବର ପୀଠ, ନିର୍ମାଣାଧୀନ ସଂସ୍କୃତି ଭବନ ଓ ଟାଉନ ହଲ, ବିଭିନ୍ନ ସ୍ଥାନରେ ନିର୍ମାଣ ହୋଇଥିବା କମ୍ୟୁନିଟି ଶୌଚାଳୟ, ଛୋଟ ଛୋଟ ପାର୍କ, ବର୍ଯ୍ୟବସ୍ତୁ ପରିଚାଳନା ପ୍ଲାଣ୍ଟ ଏବଂ ସହରର ସୌନ୍ଦର୍ଯ୍ୟ ବୃଦ୍ଧି ପାଇଁ ନିର୍ମାଣ ଚାଲିଥିବା ବିଭିନ୍ନ ପ୍ରକଳ୍ପକୁ ବିଧାୟକ ଓ ଜିଲ୍ଲାପାଳ ବୁଲି ଦେଖିବା ସହ ସମସ୍ତ କାର୍ଯ୍ୟର ସମୀକ୍ଷା କରିଥିଲେ।