'ହାତଗଣତି ଅଫିସରଙ୍କ କବଜାରେ ଓଡିଶା'

ଓଡିଶାରେ ଆଉ ଶାସନ ନାହିଁ । ହାତ ଗଣତି ଅଫିସର ସରକାର ଚଳାଉଛନ୍ତି । ଫଳରେ ରାଜ୍ୟ ଦିନକୁ ଦିନ ପଛକୁ ଯାଉଛି ବୋଲି ଯାଜପୁର ଗସ୍ତରେ ଆସି ପିସିସି (ପ୍ରଦେଶ କଂଗ୍ରେସ କମିଟି) ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି ।

ଯାଜପୁର: ଓଡିଶାରେ ଆଉ ଶାସନ ନାହିଁ । ହାତ ଗଣତି ଅଫିସର ସରକାର ଚଳାଉଛନ୍ତି । ଫଳରେ ରାଜ୍ୟ ଦିନକୁ ଦିନ ପଛକୁ ଯାଉଛି ବୋଲି ଯାଜପୁର ଗସ୍ତରେ ଆସି ପିସିସି (ପ୍ରଦେଶ କଂଗ୍ରେସ କମିଟି) ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି ।

ରାଜ୍ୟ ଜିଡିପି ଖସିବାରେ ଲାଗିଛି । କ୍ଷମତାକୁ ଆସିବାବେଳେ ବିଜେଡି ଯେଉଁ ପ୍ରତିଶୃତି ଦେଇଥିଲା ତାହା ଆଜିବି ପୂରଣ ହୋଇନି । ରାଜ୍ୟବାସୀଙ୍କୁ ଭୂଆଁ ବୁଲାଇ ବିଜେଡି 19 ବର୍ଷ ଧରି ଶାସନ କ୍ଷମତାରେ ରହିଆସିଛି ବୋଲି ପିସିସି ସଭାପତି ଅଭିଯୋଗ କରିଛନ୍ତି ।

ତେବେ ପିସିସି ସଭାପତିଙ୍କ ଯାଜପୁର ଗସ୍ତ ସମୟରେ ଜିଲ୍ଲା ଦଳୀୟ କାର୍ଯ୍ୟାଳୟରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଯେଉଁଥିରେ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ପୂର୍ଣ୍ଣଚନ୍ଦ୍ର ଜେନା କଂଗ୍ରେସ ଦଳରେ ସାମିଲ ହୋଇଥିଲେ । ମିଶ୍ରଣ ସମୟରେ ପିସିସି ସଭାପତିଙ୍କ ସହ ଜିଲ୍ଲା ସଭାପତି ମନୋଜ ରାଉତ ଓ ଜିଲ୍ଲାର ବହୁ ବରିଷ୍ଠ ନେତା ତଥା କର୍ମୀ ଉପସ୍ଥିତ ଥିଲେ ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ