ଯାଜପୁର: ଯାଜପୁର ରୋଡ ବନ ବିଭାଗ ଅଧିନସ୍ଥ କଣ୍ଟାଝରି ଓ ମଙ୍ଗରାଜପୁର ଗାଁରେ ବନ୍ୟଜନ୍ତୁ ଆତଙ୍କ । ବନ୍ୟଜନ୍ତୁ ଆକ୍ରମଣରେ ଆଜି ୩ ଜଣ ଆହତ ହେଇଥିବା ସୂଚନା ମିଳିଛି।
ଅଜଣା ଜନ୍ତୁ ଆକ୍ରମଣରେ ୪ ଜଣ ଆହତ
ସୂଚନା ମୁତାବକ ଆଜି ସକାଳ ସମୟରେ କଣ୍ଟାଝରି ଗାଁର ଦୁଇ ଦମ୍ପତି ବିଲକୁ ଶୌଚ ହେବାକୁ ଯାଇଥିବା ବେଳେ ଏକ ଅଜଣା ବନ୍ୟ ଜନ୍ତୁ ଆକ୍ରମଣ କରିଥିଲା । ଫଳରେ କଣ୍ଟାଝରି ଗାଁର ବିନୋଦ ପଲେଇ ସାମାନ୍ୟ ଆହତ ହେଇଥିବା ବେଳେ ତାଙ୍କ ପତ୍ନୀ ବଉଳ ପଲେଇ ଗୁରୁତର ଆହତ ହୋଇଛନ୍ତି । ସେହିପରି ମଙ୍ଗରାଜପୁର ଗାଁର ସନାତନ ସାହୁ ମଧ୍ୟ କୌଣସି କାମରେ ବିଲକୁ ଯାଇଥିବା ସମୟରେ ଏକ ବନ୍ୟ ଜନ୍ତୁ ଆକ୍ରମଣ କରିଥିଲା । ତେବେ ଗତକାଲି ଠାରୁ ଆଜି ପର୍ଯ୍ୟନ୍ତ ୪ ଜଣ ଲୋକଙ୍କୁ ଏହି ଅଜଣା ବନ୍ୟଜନ୍ତୁ ଆକ୍ରମଣ କରିଥିବା ଜଣାପଡ଼ିଛି ।