ଯାଜପୁର: ଧର୍ମଶାଳାର ପୂର୍ବତନ ବିଧାୟକ ତଥା କଂଗ୍ରେସ ନେତା କାଙ୍ଗାଳୀ ଚରଣ ପଣ୍ଡାଙ୍କ ଦେହାନ୍ତାରେ ବିଭିନ୍ନ ସ୍ଥାନରେ ଶ୍ରଦ୍ଧାଞ୍ଜଳି ଜ୍ଞାପନ । ଭୁବନେଶ୍ୱରରୁ ମରଶରୀର ଯାଜପୁର ଆସିବା ସମୟରେ ଚଣ୍ଡିଖୋଲ, ଜାରକା ଛକ, ମେଳଣ ପଡିଆରେ ବହୁ ଲୋକ ସ୍ବର୍ଗତ ପଣ୍ଡାଙ୍କ ଶେଷ ଦର୍ଶନ କରିଥିଲେ ।
ପରଲୋକରେ ପୂର୍ବତନ ବିଧାୟକ କାଙ୍ଗାଳି ଚରଣ ପଣ୍ଡା, ବିଭିନ୍ନ ମହଲରେ ଶୋକ ପ୍ରକାଶ
ଜାରକା ଠାରେ ପୂର୍ବତନ ବ୍ଳକ ଅଧ୍ୟକ୍ଷ କିଷାନ ପଣ୍ଡା, ଧର୍ମଶାଳା ବିଧାୟକ ପ୍ରଣବ ବଳବନ୍ତ ରାୟ, ବ୍ଳକ ଅଧ୍ୟକ୍ଷ ପ୍ରଭାତ ବଳବନ୍ତ ରାୟ, କୃଷକ ନେତା ବସନ୍ତ ପରିଡାଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ସ୍ବର୍ଗତ ପଣ୍ଡାଙ୍କ ଅନ୍ତିମ ଦର୍ଶନ କରିବା ସହ ଶ୍ରଦ୍ଧାସୁମନ ଅର୍ପଣ କରିଛନ୍ତି । ତେବେ ବରିଷ୍ଠ କଂଗ୍ରେସ ନେତା ତଥା ଯାଜପୁର ଜିଲ୍ଲା ଧର୍ମଶାଳାର ପୂର୍ବତନ ବିଧାୟକ କାଙ୍ଗାଳି ଚରଣ ପଣ୍ଡାଙ୍କ ଆଜି ଦେହାନ୍ତ ହୋଇଛି । ଭୁବନେଶ୍ବର ନୟାପଲ୍ଲୀ ସ୍ଥିତ ବାସଭବନରେ ହୃଦଘାତରେ ସେ ପ୍ରାଣ ହରାଇଛନ୍ତି । କାଙ୍ଗାଳି ଚରଣ ଆଜି ସକାଳେ ଚା' ପିଇ ସାରିବା ପରେ ହଠାତ୍ ଚୌକିରୁ ଟଳି ପଡିଥିଲେ ।