ଯାଜପୁର: ସାରା ରାଜ୍ୟରେ ଲଘୁଚାପ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ । ଅବିଶ୍ରାନ୍ତ ବର୍ଷା ଯୋଗୁଁ ଯାଜପୁରର ବିଭିନ୍ନ ଅଞ୍ଚଳ ଜଳବନ୍ଦୀ ହୋଇଛି । ଏପରିକି ଯାଜପୁର ଦେଇ ପ୍ରବାହିତ ଖରସ୍ରୋତା ଓ ବୈତରଣୀ ନଦୀରେ ବନ୍ୟା ଆଶଙ୍କା କରିଛି ପ୍ରଶାସନ । ଏହାକୁ ଦୃଷ୍ଟିରେ ରଖି ଜିଲ୍ଲାପାଳ ସରକାରୀ କର୍ମଚାରୀ ମାନଙ୍କୁ କାର୍ଯ୍ୟାଳୟ ଛାଡି ନଯିବାକୁ ନିର୍ଦ୍ଦେଶ ଦେଇଛନ୍ତି ।
ଖରସ୍ରୋତା ଓ ବୈତରଣୀରେ ବନ୍ୟା ଆଶଙ୍କା; ଜିଲ୍ଲାପାଳଙ୍କ ସତର୍କ ସୂଚନା
ଏଥିସହ ଜଳସମ୍ପଦ ବିଭାଗ ଅଧିକ ପ୍ରସ୍ତୁତ ରହିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି । ଦୁଇ ଦିନ ଲଗାଣ ବର୍ଷା ଯୋଗୁଁ ଯାଜପୁରର ତଳିଆ ଅଞ୍ଚଳର ଅନେକ ସ୍ଥାନ ଜଳବନ୍ଦୀ ହୋଇଛି । ଜିଲ୍ଲାର ତଳିଆ ଅଞ୍ଚଳ ଓ ପାଣି ନିଷ୍କାସନ ନଥିବା ଅଞ୍ଚଳରେ ଲୋକମାନେ ଜଳବନ୍ଦୀ ହେବା ସହ ଯାତାୟତରେ ସମସ୍ୟା ଭୋଗୁଛନ୍ତି ।