ଯାଜପୁର: ବିଞ୍ଝାରପୁର ଥାନା ବାଛଳ ଗାଁରେ ବାଣ ବିସ୍ଫୋରଣ । ଏଥିରେ 6 ଜଣ ଗୁରୁତର ଭାବେ ଆହତ ହୋଇଛନ୍ତି । ଆହତ ମାନଙ୍କୁ ଚିକିତ୍ସା ପାଇଁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି । ବର୍ତ୍ତମାନ ସୁଦ୍ଧା ଜଣକର ଅବସ୍ଥା ସଙ୍କଟାପନ୍ନ ରହିଥିବାବେଳେ ତାଙ୍କୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ଗୁରୁତର ଆହତ ବ୍ୟକ୍ତିଙ୍କ ନାମ ରମାକାନ୍ତ ସାହୁ । ରମାକାନ୍ତଙ୍କ ଘରେ ବାଣ ଭିଡାଯାଉଥିବା ବେଳେ ଏପରି ଅଘଟଣ ଘଟିଥିଲା । ଏଠାରେ ବେଆଇନ ଭାବେ ବାଣ ତିଆରି କରାଯାଉଥିଲା ବୋଲି ବିସ୍ଫୋରଣ ପରେ ସୂଚନା ମିଳିଛି । ବିସ୍ଫୋରଣ ଏତେ ଭୟାନକ ଥିଲା ଯେ ଘରର କାନ୍ଥ ମଧ୍ୟ ଫାଟିଯାଇଛି ।