ଯାଜପୁର:ଜିଲ୍ଲାର ରୋଡ ଥାନା ବ୍ୟାସନଗର ମୁନିସିପାଳିଟି ଅନ୍ତର୍ଗତ ବ୍ୟାସ ସରୋବର କାଜୁ ଜଙ୍ଗଲରେ କେହି ଦୁର୍ବୃର୍ତ୍ତ ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି । ତେବେ ଏହି ଅଗ୍ନିକାଣ୍ଡରେ ପ୍ରାୟ ଲକ୍ଷାଧିକ ଟଙ୍କାର କାଜୁ ଫୁଲ ଓ ଫଳ ପୋଡିଯାଇଥିବା ସୂଚନା ମିଳିଛି ।
କାଜୁ ଜଙ୍ଗଲରେ ଅଗ୍ନିକାଣ୍ଡ, 3 ଘଣ୍ଟା ପରେ ମଧ୍ୟ ପହଞ୍ଚିଲାନି ଦମକଳ ବାହିନୀ
ବୁଧବାର ପ୍ରାୟ ସକାଳ 10ଟା ସମୟରେ କାଜୁ ବଗିଚାରେ ଏହି ନିଆଁ ଲାଗିଥିଲା । ଏହି ନିଆଁକୁ ଦେଖି ସ୍ଥାନୀୟ ଲୋକମାନେ ମୁନିସିପାଲିଟି କର୍ତ୍ତୃପକ୍ଷ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ । କିନ୍ତୁ ଦୀର୍ଘ ତିନି ଘଣ୍ଟା ବିତିଯାଇଥିଲେ ଦମକଳ ବାହିନୀ କିମ୍ବା ମୁନିସିପାଲିଟି କର୍ତ୍ତୃପକ୍ଷ ଘଟଣାସ୍ଥଳରେ ପହଞ୍ଚିନଥିବା ଅଭିଯୋଗ ହୋଇଛି । ଏହି ଘଟଣାକୁ ନେଇ ସ୍ଥାନୀୟ ଜନସାଧାରଣ ଉଦବେଗ ପ୍ରକାଶ କରିଛନ୍ତି ।