ଯାଜପୁର: ଯାଜପୁରରେ ଶିଶୁ ବିକ୍ରିର ଅଭାବନୀୟ ଅଭିଯୋଗ । ନାତୁଣୀକୁ ପୁଅ ବିକ୍ରି କରିଦେଇଥିବା ଅଭିଯୋଗ କରିଛନ୍ତି ଜେଜେ । ଯାଜପୁର ଜିଲା ବିଞ୍ଝାରପୁର ଥାନା ଅଞ୍ଚଳରେ ଏଭଳି ଏକ ଘଟଣା ସାମନାକୁ ଆସିଛି । ଅଭିଯୋଗ ପାଇବା ପରେ ସ୍ଥାନୀୟ ପୋଲିସ ଅଢ଼େଇ ବର୍ଷର ଶିଶୁକନ୍ୟାକୁ ଉଦ୍ଧାର କରିବାରେ ସକ୍ଷମ ମଧ୍ୟ ହୋଇଛି ।
ଟଙ୍କା ପାଇଁ ଝିଅକୁ ବିକିଦେଲା ବାପା, ଜେଜେଙ୍କର ଅଭିଯୋଗ ପରେ ଉଦ୍ଧାର କଲା ପୋଲିସ
ଅଭିଯୋଗ ମୁତାବକ ବିଞ୍ଝାରପୁର ଥାନା ପନ୍ତେପୁର ମଲିଆ ଗାଁର ରମେଶ ବାରିକଙ୍କ ଅଢ଼େଇ ବର୍ଷର ଶିଶୁ କନ୍ୟାକୁ ବିଞ୍ଝାରପୁର ଅଞ୍ଚଳରେ ବିକ୍ରି ହୋଇଥିବା ଅଭିଯୋଗ କରିଛନ୍ତି ଶିଶୁକନ୍ୟାର ଜେଜେ ରବିନ୍ଦ୍ର ବାରିକ । ପୁଅ ରମେଶ ୫ ହଜାର ଟଙ୍କା ଧାର ଆଣି ଦେଇ ନ ପାରିବାରୁ ନିଜ ଝିଅକୁ ବିକ୍ରି କରି ଦେଇଥିବା ଅଭିଯୋଗ କରିଛନ୍ତି ଶିଶୁକନ୍ୟାର ଜେଜେବାପା ।