ଯାଜପୁର: ପ୍ରାୟ 10 ଦିନ ଧରି ଯାଜପୁର ଜିଲ୍ଲାରେ ଆତଙ୍କ ସୃଷ୍ଟି କରିଥିବା ଦନ୍ତାକୁ ଜିଲ୍ଲାର ଦାନଗଦି ବ୍ଲକ କଣ୍ଟିପୁର ଜଙ୍ଗଲରେ ଟ୍ରାଙ୍କୁଲାଇଜ କରିବାରେ ସଫଳ ହୋଇଛି ବନବିଭାଗ । ଏହା ପରେ ଏହି ହାତୀକୁ କଟକ ଡାଳିଯୋଡା ରେଞ୍ଜ ଅଧିନସ୍ଥ କୁସୁନପୁର ଜଙ୍ଗଲକୁ ନିଆଯାଇଛି । କଡା ସୁରକ୍ଷା ସହ ହାତୀର ସ୍ବାସ୍ଥ୍ୟ ପରୀକ୍ଷା କରାଯିବା ପରେ ତାକୁ ସ୍ଥାନାନ୍ତର କରାଯାଇଛି । ହାତୀକୁ କାବୁ କରିବା ପରେ ଗତକାଲି ଠାରୁ ସ୍ଥାନୀୟ ଅଞ୍ଚଳରେ ବିଦ୍ୟୁତ ସେବା ସ୍ବାଭାବିକ ହୋଇଛି । ହାତୀ ଆଜି ସ୍ଥାନାନ୍ତର ହେବା ପରେ ସ୍ଥାନୀୟ ଅଞ୍ଚଳ ବାସୀ ଆଶ୍ବସ୍ତ ହୋଇଛନ୍ତି ।
ଟ୍ରାଙ୍କୁଲାଇଜ ହେଲା ନରହନ୍ତା ଦନ୍ତା