ଯାଜପୁର: ସୁକିନ୍ଦା ବ୍ଲକ ସଂସାଇଲ ପଞ୍ଚାୟତରେ ନିର୍ବାଚନ ମତଦାନବେଳେ ଉତ୍ତେଜନା । ଗ୍ରାମରେ ସରପଞ୍ଚ ପଦବୀ ପାଇଁ 5ଜଣ ପ୍ରାର୍ଥୀ ଥିବାବେଳେ କେବଳ ତିନୋଟି ଚିହ୍ନରେ ଲୋକଙ୍କୁ ଭୋଟ ଦେବାପାଇଁ ପ୍ରିଜାଇଡିଂ ଅଧିକାରୀ ବାଧ୍ୟ କରୁଥିବା ଅଭିଯୋଗ ରହିଛି। ଯାହାଫଳରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା ।
panchayat violence: ପୁଣି ମତଦାନ ବେଳେ ଉତ୍ତେଜନା
ସଂସାଇଲ ପଞ୍ଚାୟତର ୧୧ନଂ ବୁଥରେ ଏଭଳି ଉତ୍ତେଜନା ଦେଖିବାକୁ ମିଳିଥିଲା। ଘଟଣାସ୍ଥଳରେ ପୋଲିସ ପ୍ରଶାସନର ବରିଷ୍ଠ ଅଧିକାରୀ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ମତଦାନ ପ୍ରକ୍ରିୟା ସ୍ବାଭାବିକ ହୋଇଥିବା ଜଣାପଡ଼ିଛି । ସେପଟେ ଆଜି ଜିଲ୍ଲାର ସୁକିନ୍ଦା ଏବଂ ଦାନଗଦି ବ୍ଲକରେ ଚତୁର୍ଥ ପର୍ଯ୍ୟାୟ ପଞ୍ଚାୟତ ନିର୍ବାଚନ ଶାନ୍ତିଶୃଙ୍ଖଳା ସହ ହୋଇଥିଲା। ନିର୍ବାଚନ ବେଳେ ହିଂସା ଘଟାଇବା ଘଟଣାରେ ସମ୍ପୃକ୍ତ ଥିବା 56ଜଣ ଲୋକଙ୍କୁ ଗତକାଲି ଏକକାଳୀନ ଭାବେ ଗିରଫ କରାଯାଇଛି ।