ଯାଜପୁର: ଯାଜପୁର ରୋଡ ରେଳ ଷ୍ଟେସନ ଯୋଡ଼ାବାର ବ୍ରିଜ ନିକଟରେ ଧଉଳୀ ଏକ୍ସପ୍ରେସ ଧକ୍କାରେ ଅଜଣା ବୃଦ୍ଧଙ୍କର ମୃତ୍ୟୁ । ଆଜି ଅପରାହ୍ନରେ ବୃଦ୍ଧ ଜଣକ ଯୋଡ଼ାବର ବ୍ରିଜ ନିକଟରେ ଟ୍ରେନ ଲାଇନ ପାର ହେଉଥିଲେ । ହଠାତ୍ ଏହି ସମୟରେ ଜଖପୁରା ଆଡୁ ଧଉଳୀ ଏକ୍ସପ୍ରେସ ଆସି ବୃଦ୍ଧଙ୍କୁ ଧକ୍କା ଦେଇଥିଲା ।
ଫଳରେ ବୃଦ୍ଧ ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଥିଲା । ତେବେ ବୃଦ୍ଧଙ୍କ ପରିଚୟ ମିଳି ପାରି ନାହିଁ । ଖବର ପାଇ ଯାଜପୁର ରୋଡ ଜିଆରପି କର୍ମଚାରୀ ଘଟଣାସ୍ଥଳରେ ପହଞ୍ଚି ଶବ ବ୍ୟବଚ୍ଛେଦ ପାଇଁ ଦାନଗଦି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଇଛନ୍ତି ।