ଯାଜପୁର: ଶିକ୍ଷା ବ୍ୟବସ୍ଥାକୁ ନେଇ ଜିଲ୍ଲାର ବିଭିନ୍ନ ଅଞ୍ଚଳ ବୁଲି ତଦାରଖ କଲେ କୋରେଇ ବିଧାୟକଙ୍କ ସମେତ ଜିଲ୍ଲାପାଳ । ଏନେଇ ଯାଜପୁର ଜିଲ୍ଲା କୋରାଇ ବ୍ଲକ ଓ ବ୍ୟାସନଗର ପୌରାଞ୍ଚଳର ବିଭିନ୍ନ ସ୍କୁଲରେ ନିର୍ମାଣ ହେବାକୁ ଥିବା ସ୍ମାର୍ଟ କ୍ଲାସ ରୁମ୍ ଓ ଇ-ଲାଇବ୍ରେରୀ ପାଇଁ ଭିତ୍ତିଭୂମି ତଦାରଖ କରିଛନ୍ତି କୋରାଇ ବିଧାୟକ ଅଶୋକ ବଳ ଓ ଯାଜପୁର ଜିଲ୍ଲାପାଳ ଚକ୍ରବର୍ତ୍ତୀ ସିଂ ରାଠୋର ।
ପିଲାଏଁ ହେବେ ସ୍ମାର୍ଟ, ଡିଜିଟାଲ କ୍ଲାସରୁମ୍ ନିର୍ମାଣ ପାଇଁ ସ୍ଥିତି ପରଖିଲେ ଜିଲ୍ଲାପାଳ
ତେବେ ୫T ହାଇସ୍କୁଲ ଟ୍ରାନ୍ସମେସନ୍ ଜରିଆରେ କୋରେଇ ବ୍ଲକରେ ୮ ଟି ଓ ବ୍ୟାସନଗର ପୌରାଞ୍ଚଳରେ ୨ ଟି ଉଚ୍ଚ ବିଦ୍ୟାଳୟରେ ଏହି ସ୍ମାର୍ଟ କ୍ଲାସ ରୁମ୍ ନିର୍ମାଣ ହେବା ନେଇ ସ୍ଥିର ହୋଇଛି । ତେବେ ଏହି ବିଦ୍ୟାଳୟ ଗୁଡ଼ିକର ସ୍ଥିତି ଓ ସ୍ମାର୍ଟ କ୍ଲାସ ରୁମ୍ ଓ ଇ-ଲାଇବ୍ରେରୀ ନିର୍ମାଣ ପାଇଁ ଆବଶ୍ୟକ ଭିତ୍ତିଭୂମିର ତଦାରଖ କରିବାକୁ ଆଜି (ସୋମବାର) ଉଭୟ ବିଧାୟକ ଓ ଜିଲ୍ଲାପାଳ ଏହି ବିଦ୍ୟାଳୟ ଗୁଡ଼ିକୁ ପରିଦର୍ଶନ କରିଛନ୍ତି ।