ଯାଜପୁର: ବହୁ ଚର୍ଚ୍ଚିତ କ୍ୟାମେରାମ୍ୟାନ ମାନସ ସ୍ବାଇଁ ହତ୍ୟା ମାମଲାରେ କ୍ରାଇମବ୍ରାଞ୍ଚ ପକ୍ଷରୁ ତଦନ୍ତ ଜୋରଦାର ଚାଲିଛି । ଆଜି(ଗୁରୁବାର) ଯାଜପୁରର ଯେଉଁ ସ୍ଥାନରୁ ମାନସଙ୍କ ମୋବାଇଲ ଫୋନ୍ ମିଳିଥିଲା ସେଠାରେ ଯାଞ୍ଚ କରିଛି କ୍ରାଇମବ୍ରାଞ୍ଚ ।
ସୂଚନା ଅନୁଯାୟୀ, ଯାଜପୁର ଜିଲ୍ଲା ଧର୍ମଶାଳା ଥାନା ୧୬ ନମ୍ବର ଜାତୀୟ ରାଜପଥ ଶଙ୍ଖାରିଡିହ ନିକଟସ୍ଥ ଶଗଡ଼ିଆ ପୋଲ ନିକଟରୁ ଗତ ମାସରେ ମାନସ ସ୍ବାଇଁଙ୍କ ମୋବାଇଲ ଫୋନକୁ ଜଣେ ବ୍ୟକ୍ତି ପାଇଥିଲେ । ପରେ ଚାନ୍ଦବାଲି ପୋଲିସ ଏଠାକୁ ଆସି ମୋବାଇଲ ଫୋନକୁ ଜବତ କରିଥିଲା । କ୍ରାଇମବ୍ରାଞ୍ଚର ଏକ ଟିମ ଏଠାକୁ ଆସି ଘଟଣାସ୍ଥଳ ବୁଲି ଦେଖିବା ସହ ତଦନ୍ତ କରି ଫେରିଯାଇଛନ୍ତି । ତେବେ କ୍ରାଇମବ୍ରାଞ୍ଚ ଟିମ୍ ଏନେଇ ସ୍ଥାନୀୟ ଅଞ୍ଚଳବାସୀଙ୍କ କୌଣସି ପଚରାଉଚରା ନ କରିଥିବା ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ